2010-07-19

旅遊大使獎出爐

眨下眼,原來仲有兩個星期便是2010年香港小姐決賽,15位佳麗算係入咗最後衝刺階段,係生係死,真係要靠呢兩星期好好造化喇!

同早幾年同一模式,港姐港生必定齊齊去番禺既長隆水上樂園,玩水濕身,攞正牌俾班港姐港生盡騷「哥利」,而此行程亦會順道頒發旅遊大使獎。旅遊大使獎算係港姐近年新興且具連續性既特別獎項,03年第一屆由楊洛婷奪得,每年都成為一眾港姐粉絲極度留意既獎項。因為近年港姐一次過定生死,在決賽前頒發既旅遊大使獎均成為佳麗是否能在決賽夜奪獎既一個指標,而得獎佳麗就算最終未能入選三甲,均會以官方得獎者姿態與三甲佳麗一起出席來年港姐活動,所以呢個獎絕對係眾佳麗既頭炮目標。

而今年最特別之處,就係旅遊大使獎分設男/女得主,而得獎者分別係:

港生10號翟威廉及港姐13號陳庭欣

先講翟威廉,以佢亞視背景,本來可以入圍已經幾miracle,而家仲拎咗個獎,如無意外,佢應該係首位先有亞視選美背景既參賽者卻可以在無記選美活動獲獎既第一人。不過咁講,睇返TVB.com裡面港生自我介紹既片段,其餘九個好似"唔識講野"咁,黎參加比賽總唔可以唔準備卦?

而港姐界得主13號陳庭欣,近期開始熱起黎,五官端莊文筆又落落大方于人感覺親切,而家拎埋呢個獎,實屬係黑馬中既頭馬,大家要留意留意。

而是次旅程最"popular"既人物莫過於港生4號葉建希。葉生既攬女照日日新鮮日日金,5'6"既佢又傳對5'9"既港姐10號馬鈞怡有好感,咁識宣傳唔怪得日日頭條啦。

眾港姐與港生水著戰

就咁睇又唔覺爭3吋喎

講巨胸,1號同4號不相伯仲。
講高度及腳毛,1號贏哂啦!

高海寧指10號馬鈞怡似張舒雅喎,記者問
係咪因為hea所以似,馬釣怡即刻劃清界線!
其實呢張相似99年18號程姬絲Pilot Ching多d!

提開張舒雅,d記者死chur住佢唔放喎。日前蘋果記者又影到佢響中環開餐,但甫進中環鏞記後又快快返出黎上的士離開,而且夜媽媽仲戴住黑超,星味甚濃。

以紙上明星黎講,張舒雅都仲幾有星味架

3 則留言:

Marco 提到...

不過旅遊大使獎對上5屆嘅得主都三甲不入wor: 之前4年都係一開始比較多人識/ 風頭躉但係冇獎攞嗰啲. 直到舊年由異常低調嘅黃嘉麗攞, 但都係三甲不入

13號好明顯係final group(11-15)之中最平凡嘅人, 希望千奇唔好突圍而出!

adafan 提到...

其實張舒雅都好靚啦,她不束馬尾時好靚的!
d記者死捉住佢唔放真係好討厭!

adafan 提到...

其實張舒雅都好靚啦,她不束馬尾時好靚的!
d記者死捉住佢唔放真係好討厭!