2010-02-26

應屆三甲團拜

應屆三甲劉倩婷、李姿敏、熊穎詩及一眾TVB高層出席無線團拜,劉倩婷表示年初三跟家人去了黃大仙拜神,事業抽到上簽,而姻緣則求到下下簽,可以疊埋心水俾心機做嘢。她又謂可能上年犯太歲,令她今年上半年的運程也有所影響。而李姿敏和熊穎詩則說很多年沒有在港度歲,覺得香港的過年氣氛遠勝外地,而她們今年利是收入亦相當豐厚。

嘩劉小姐犯太歲年都可以勇奪港姐冠軍,真係好想知佢好年時會旺成點呢下?

其實李姿敏如果病左可以搵斑斑做替工,
應該冇乜人會識穿


2010-02-22

亞軍sss齊參與環保

港乜姐抖寒10日,又同大家見面喇。新正頭祝大家事事順利,心想事成,並希望今年香港選美有睇頭,不用一眾Fans乾等。

05、06、08三位港姐亞軍陸詩韻、周家蔚、陳倩揚日前出席慳電膽環保活動。被問到3人怎樣過年,周家蔚指也有上洪天明家拜年,並收到洪金寶派的利是,不過她唔急住派,想逗多幾年咁話。而陳倩揚則精心炮製西餐俾男友,對方更大讚。而陸詩韻則希望今年能覓到如意郎君,因她快30歲,不想浪費時間呢。

如果三位亞軍要排次序,大家唔知會點排呢?  我諗我會排6C1第一,Skye第二,Janet第三,你呢?

三位除咗係亞軍外,仲有一個共通點喎,
咪就係三位都係爆冷當選囉。


2010-02-11

李綺虹返香港谷劇

94年港姐季軍李綺虹,在94港姐決賽既表現可說甚為經典,甫出道便又拍劇又拍戲甚受歡迎,之後嫁咗去加拿大在當地定居。近期返娘家TVB拍劇,雖然演技一般,但總令一眾港姐Fans勾起昔日經典片段。今次Teresa專登來港參與「老公萬歲」宣傳,她說今次一趟令佢農曆年,情人節,生日都要自己一人渡過,犠牲甚大。
所謂歲月不繞人,昔日甜姐兒變時髦靚C9,
期待佢多D做現場Show,可以聽到佢再妙語連珠一番


2010-02-09

徐淑敏大住肚仲四圍騰

預產期為下月23日的徐淑敏,雖然個肚已經蘿咁大,但仲周街四圍貢。繼之前在餐廳被狗仔隊偷拍引致佢老公同記者衝突後,早前又被影到去上環掃海味花膠辦年貨。雖然正值年尾舖內人頭湧湧,Suki都一於好少理左揀右揀,而佢老公Kenny即發揮護妻功能,全程擒高擒低幫老婆攞貨。事後Kenny接受記者訪問說:「準備新年期間煮野俾Suki同屋企人食,呢個係我強項!」
Kenny你應該煮多d燕窩先啱喎,唔係邊夠口水呀!


2010-02-04

港姐日夜兩個樣

應屆港姐三甲劉倩婷,李姿敏,熊穎詩被蘋果影到齊齊去IFC歎茶,之後還去文具店揀賀年咭。日頭斯斯文文既港姐,夜晚則豪情奔放。冠軍劉倩婷被指晚上與兩位外籍男士喪浦蘭桂坊,且放散頭髮,騷首弄姿,意態撩人,與日間端莊舉止判若兩人。最後劉倩婷更與"較靚仔"的那位男士搭的士離開,落車後男士更輕撫秀髮say goodbye。

不過睇返蘋果動新聞既片段,其實都冇乜料到咋喎,蘋果唔洗作到咁誇下嘛。
李姿敏:喂有記者影住喎,笑唔笑好呀?
劉倩婷:你鍾意笑咪笑,是但啦
熊穎詩:我揀我揀我搲我搲 (設計對白)
Sandy: Do I look good darling?
Guys: You look hot, sweetheart!

2010-02-02

何麗全話要大搞華姐

TVB非戲劇製作總監何麗全表示,國際中華小姐之所以押後至9月舉行,是希望可以搞得更大型,到時並會由新鮮出爐港姐冠軍代表參賽。他指因應內地城市要求,賽事規模將比往年大一倍,製作費達千萬,預計各地佳麗人數將達三十多位,故8月可能先在港進行準決賽,而總決賽則在內地舉行。據知各地區將在5至6月選出代表,現已接受報名。

嘩,華姐搞到成30幾人,仲要分準決賽同總決賽,規模十足七、八十年代港姐咁,而港姐現在一次過得番10個,估唔到連選美都要「親中」,真係風水輪流轉呀。
苟芸慧:選咁多人出黎把鬼咩
陳倩揚:咪係,俾番d名額港姐好喎 (設計對白)