2012-09-05

2012港姐真的令你大開眼界

2012年第40屆港姐選咗10日喇,大家睇啲港姐新聞睇到厭未呢?  不過既然果兩部車都名車有主,相信呢次港姐鬧劇又會告一段落喇!

其實如果唔係今次咁,我都唔知原來普羅大眾仲會某程度上關注港姐選舉,當然大家出發點未必係關港姐本身,但起碼都會你一句我一句"我覺得冠軍唔係呢個喎"、"點解湯洛雯唔入先?"等等,即係咁,有得俾人彈都總好過完全俾人ignore,原來港姐都未致於淪落到完全冇人理,話之你。

睇完成個騷,有幾點想講:

1. 對於我呢個傳統選美粉絲,咁既選美方式當然完全唔收貨啦,試諗下如果完全冇字幕俾外國人睇,佢地會唔會知道呢個係一個選美呢?  又食野又深情對話咁。  但呢,我見有朋友覺得咁樣既環節有新意,冇只係行catwalk咁悶喎,咁呢啲就真係百貨百客喇,對我黎講睇住佳麗行catwalk比賽我已經覺得好緊張刺激喇....

2. Interview環節多過鬼,一開場每個明星問啲野,泳裝又問,食野又問,仲要黎個6強深情對話,洗唔洗咁多口水呀 (最敝冇乜邊個講野特別outstanding喎,包括一眾男藝員)

3. 6強後終於有"比賽環節"先選出3甲,打破以往淘汰完一輪後冇任何環節又再淘汰,算抵讚!

4. 成個舞台及周邊飾物雖睇得出有擺心機整,但效果幾俗下,而且成個scope真係冇得同紅館比,最慘TVB已放口風日後所有大型節目都會用呢個新既錄影廠搞,即係港姐冇乜機會再在紅館搞

5. Karen Chan真係好鍾意有毛既野

6. 既然每位佳麗都有既定出場次序,點解唔俾返個號碼佢地? 咁以後姓歐姓陳嗰啲咪多數要排頭出場?  好唔fair喎

7. 都係嗰句,我始終都唔係好唔得all-back頭,任憑你整得幾好,感覺都老咗好多,放頭髮落黎又後生又自然,而且配合catwalk頭髮既擺動都可增加charming感架,點解唔做多啲?  最少泳裝呢part應該放返頭髮啦! 

左起: 亞軍黃心穎 冠軍張名雅 季軍朱千雪
 
岑杏賢奪最上鏡小姐
 
張名雅成國際親善小姐得主
 
 
各佳麗點評:
 
 
冠軍 張名雅
由頭到尾都唔係幾得佢,當晚個樣更加唔算Pleasant添,真係感覺問題,
有時感覺唔好真係做乜都覺得唔順眼。但呢之後送名車環節佢地
3個去得獎家庭送車匙,又影得佢超靚喎,幾charming添
 
亞軍 黃心穎
真係唔明點解可以得亞軍,大家睇返嗰29位佳麗片段,其實好多
點睇都好過佢喎,而家仲俾佢拎埋亞軍,憑咩呢真係? 談吐? 好多
都係咁上下啦! 身高? 得5'4"咪玩啦! 樣貌? ......................
 
季軍 朱千雪
民選港姐冠軍,其實我一早都有提佢某程度似鍾沛枝嗰type,佢
講樣唔算靚爆,但有嗰種親和力同觀眾緣,更大程度
係啲觀眾唔Like張名雅。
 
六強 張鈞美
由最初不被看好到殺入六強,Amy算超額完成啦,我幾
鍾意佢說話時的attitude,俾人感覺誠懇舒服
 
六強 岑杏賢
很多人應該覺得佢拎最上鏡小姐比起拎冠軍更冇說服力,班
前港姐係咪選緊自己心目中冠軍咋? 但佢台上啲shot比起平時係
亮麗咗喎,不過成個感覺好悶好呆板,諗諗下唔入3甲都合理
 
六強 湯洛雯
本屆輸得最慘既佳麗,佢響個台係爭咁啲神采,但本身既好
條件係咪真係彌補唔到到連一個獎都拎唔到?
 
陳潔玲
亳無期望下得少少驚喜,佢晚裝出場嗰刻幾靚喎,
抹走苦情味
 
林泳淘
努力表現自己,可惜仍然徒勞無功
 
李渼琦
本應是最上鏡小姐大熱,但始終都係以遊魂狀態
出場,加上幾fleshy身型,真係點幫得你落喎
 
曾明俐
如有最佳泳衣演譯獎,應該佢得啦! 台上個樣
appeal唔到啲觀眾,而且談吐有啲出事,
可能緊張啦
 
民選港姐朱千雪: 我想捏死你呀,俾返個后冠黎呀
張名雅: 唉也救命呀,唔關我事架
黃心穎串咀腔: 啱喇,捏死佢啦
(純粹惡搞對白)
 
 
另外,Bloggers' Choice 2012已經計好分喇,大家密切留意葉FUN報道!!!
 
 

2012-08-27

全城X爆 TVB!!!!

咁既賽果,咁既投票機制!!  我個Facebook啲人洗版喪鬧洗到而家呀!!!!  

全城X爆TVB呀!  還我選舉權,還我架車,還我民意港姐!!!!

2012-08-25

無聲無氣既40周年香港小姐

選咗足足三個月既第40屆香港小姐終於聽晚做決賽喇! 老老實實講大家見港乜姐update up到咁都知我其實對今屆競選既失望又提不起興趣!  點解?  我諗大家都有眼見卦.....

先唔好講質素,只係講成個競選過程,都要大巴摑啦下嘛..! 要搞到所謂殘忍淘汰賽,fine,咁你都要俾人feel到係殘忍先得架?  無啦啦睇報紙又話foul咗兩個,又無啦啦要揀多一個入去決賽,一時又話復活失敗,其實廣大市民有邊幾個真係會留意到又care架呢?  就連一個正正式式既淘汰特輯都唔能夠響一條免費頻道播放,就知道TVB有幾重視呢個比賽啦!

開頭話有成29位候選佳麗,其實我都幾興奮架,以為TVB今年肯揼本,點知原來選得3日亳無表現機會下先篩三份一,跟住又話安排佢地訓練做主持,唔好恰我冇跟娛樂新聞台,係有promo過一個星期,而家啲人呢? 仲話搵佢地訪問返啲入圍佳麗,我諗度呢條橋既人自己都應該唔記得有件咁事囉!   好喇篩篩下一時又話剩14個入決賽, 一時又話剩12個,話視乎質素而定喎,咁而家得10個入,即係TVB你都覺得質素好不濟咁話喇係咪?  本來有29個,搞搞下原來得10個,同09年一樣,真係好把X!!

回顧歷年Decade紀念,今年真係差到不得了,82年第十屆梁韻蕊有個紀念心口針,92年第二十屆都做個"群芳競妍廿載情"加有個"二十周年金輝大獎"送俾盧淑儀,02年林敏俐雖然冇特別獎,但TVB搵楊千嬅唱首新既港姐歌加請咗一大批前港姐做個特輯! 今年??  冇!  話會請歷屆39位港姐出席喎,最後咪又係請得15位做最上鏡小姐評判咁大把囉! 其他表演嘉賓更加欠奉!

今年另一大敗筆係佳麗不設號碼,本來都唔係好大big deal,但今年咁多淘汰,而且會由觀眾1人1票選港姐冠軍,號碼係最好既方法讓觀眾加深對佳麗既記憶,點解唔assign返個號碼俾佢地呢?

好喇我要鬧既鬧完喇,講返今屆既佳麗,其實突出既唔算多,不過又勝在冇乜邊個好嚇人,總括黎講又係competitively plain嗰隻囉,到呢個階段邊個都有機會入三甲,今次各位佳麗真係要睇臨場狀態,要穩穩陣陣唔好好似劉翔咁臨場撻Q呀!

陳潔玲 Christy Chan
24 5'5" 模特兒

首批被傳媒關注既「人微妍希」,我成日諗如果"那些年"今年先上,
傳媒會唔會咁關注佢呢? 我一直都唔多buy佢,佢唔係唔靚,但係個樣
好苦咁,好似背負好多鮮為人知既經歷黎參選咁,泰國個特輯見
佢做sit up就黎斷氣咁都戥佢慘!

張名雅 Carat Cheung
24 5'4" 學生
航空大使獎

挾「溫亞」之銜加張堅庭親戚再戰港姐,張小姐爆冷地過五關斬
六將兼以第二名資格入圍10強,令人嘖嘖稱奇。被指似戴夢夢
既佢樣貌身高本來就無甚睇頭,不過近呢個禮拜狀態提升加上有
啲觀眾緣,入三甲都唔係冇機!

張鈞美 Amy Cheung
22 5'5.5" 學生

當大部份網民都話會投王舒銳入最後十強之際,偏偏殺入張鈞美,
令人質疑TVB既投票機制只係做騷咁做(咁其實投3甲會唔會都係咁,
一早內定呢?)! 不過就咁,我覺得張鈞美係幾唔錯既選擇,
雖則大餅面未必一下就吸引到人,但佢談吐溫婉,有紋有路,
評判應該幾buy佢

朱千雪 Tracy Chu
24 5'5.5" 行政助理

由開始素顏look被指似外傭,到今日報章話佢狀態唔錯,朱千雪可
謂係越戰越勇! Tracy唔算係宅男嗰啲一味大眼大波就係靚嗰啲,
佢成個款係幾有性格,幾有自己主見啲大都會女性咁。我相信
聽晚TVB Fun應該有佢俾觀眾揀!

林泳淘 Wingto Lam
22 5'7" 模特兒

表情談吐都甚為MK,擺到明入唔到娛樂圈唔心息,我諗佢都
知TVB從來唔buy呢種入到港姐三甲,佢大可以收拾心情做好
場騷然後去試鏡啦

李渼琦 Melanie McAndrew
20 5'6" 學生

我成日覺得佢可以再靚啲,不過佢對著鏡頭唔自然,一開聲更加
唔得,成日含住粒核講野咁,呢啲唔關佢中文好唔好既事,總之
成個posture就好唔醒神啦。不過鬼妹仔選港姐一向有啲著數,睇下
佢有冇機贏到最上鏡

岑杏賢 Jennifer Shum
23 5'7" 學生
時尚目光獎
最佳珠寶演譯獎

一路都係我買重既佳麗,樣貌身高學歷談吐舉止都係典型港姐格,
加上零負面新聞,學莫可欣話齋港姐就係要選呢啲乖乖女囉!
 不過佢有時缺乏自信,希望可以加以改善啦!

湯洛雯 Roxanne Tong
25 5'7.5" 模特兒
旅遊大使獎
美麗昇華大使

今屆既「新聞佳麗」,撇除佢係湯鎮宗嗰女既身份,憑其硬件其實
都有力成為熱門。不過近期狀態十分飄忽,倦容頻現,小心俾其
他佳麗迎頭趕上呀。

曾明俐 Cynthia Tsang
26 5'6" 機艙服務員

亮相時被指貌似蕭亞軒,估唔到呢啲走性格樣既佳麗可以首名直入
決賽! 不過個樣係有少少「邪牌格」,唔知啲觀眾buy唔buy呢?

黃心穎 Jacqueline Wong
23 5'4" 學生

全場最唔知點解會入到10名既佳麗,樣貌身高都欠奉,夾硬講係笑
得甜囉。不過好多網友貼佢有季軍相,我都唔知講咩好


響度透露一下自己心水,聽晚睇下中唔中:

冠軍: 岑杏賢
亞軍: 朱千雪
季軍: 曾明俐

國際親善小姐: 曾明俐
最上鏡小姐: 李渼琦

2012-07-20

最後9強名單

陳潔玲
張名雅
朱千雪
林泳淘
李渼琦
岑杏賢
湯洛雯
曾明俐
黃心穎

最後一位佳麗會係邊個呢?  陳華鑫同鍾麗又可唔可以復活呢? (其實復活咗又點?)

要密切期待!


2012-06-08

再多4位佳麗證實被out

分別是
3號 楊斯雅
21號 曾建怡
23號 王潔心
26號 梁靜怡


哎也,呢幾個都幾靚架喎,咁快被out真慘!

2012-06-06

9位被淘汰佳麗係

等看直播中,會立即更新!

3號可以留低!!!
13號可以留低!!!
8號可以留低!!!
17號可以留低!!!
28號可以留低!!!
29號可以留低!!!
22號可以留低!!!
21號可以留低!!!
24號可以留低!!!
27號可以留低!!!
11號可以留低!!!
26號可以留低!!!
25號可以留低!!!
6號可以留低!!!
19號可以留低!!!
4號可以留低!!!
12號可以留低!!!
5號可以留低!!!
7號可以留低!!!
23號可以留低!!!

被淘汰的9位佳麗係:

1. 10號
2. 2號
3. 14號
4. 15號
5. 20號
6. 9號
7. 1號
8. 18號
9. 16號


2012-06-04

2012港姐首次記招 - 後記

各位昨日3點有冇睇港姐記招直播呢?  因為我約了人4點打波,所以超唔情願下睇咗少少就要離開,myTV又要等到過12點先post返段片上去,真係等到頸都長呀!!

尋日TVB大哂冷29位港姐見傳媒,今年質素確係唔錯,完全冇嚇人佳麗,可惜大多數偏矮,大多應該介乎5'4"至5'5"左右,只得少數5'7",更加應該冇5'9"!  而大部份佳麗說話技巧幾好,只有數位甩甩咳咳,算係咁架喇!

睇完成個直播,我對各位佳麗有好多唔同既改觀,同大家分享下!

1號 黃潤娜  23歲  銀行高級營業員
個妝同髮型突出唔到佢既輪廓,在bank做高級
營業員但話自己講野唔叻,咪咁謙啦

2號 謝謹蔓  23歲  學生 (空中服務及旅遊專業)
有傳係湖南黎既,鄉音好勁,不過談吐感覺誠懇,
算幾高 (我覺得佢似94年既鄺靜慈)

3號 楊斯雅  25歲  模特兒
於瑞士畢業酒店管理學,佢唔係差,但我唔太buy,
一直唔明點解係大熱之一

4號 朱千雪  24歲  行政助理
在溫哥華長大既Tracy,笑容可躬親切,樣子平易近人,
評判應該buy呢啲

5號 鍾麗  26歲  電子商務公司老闆
講野個tone好affirmative,果然係老細

6號 譚曉榆  24歲  氣候能源項目主任 / 兼職主持
岩岩去完多倫多但見唔到佢上fairchild中文電視既節目既?
我覺得佢乜都好平均,少少悶

7號 卞曉帆  25歲  經營紅酒公司
佢唔單止run間紅酒公司,仲有個紅酒品牌架喎!
於美國大學畢業

8號 張鈞美  22歲  學生 (世界健康及市場學)
就讀於紐約大學,電視睇冇啲傳媒講得咁大件,
不過塊面都係大嗰啲

9號 湯珮姿  24歲  稅務咨詢助理
仍然感覺好plain

10號 譚霞  24歲  學生 (物流管理)
係港大交流生,鄉音仲勁過2號,接近聽唔明!
其實港姐接受新移民我明白,但交流生係過客啫,
係咪唔應該接納報名呢??

11號 王舒銳  22歲  學生
四平八穩嗰啲,佢都幾鍾意側呢邊面

12號 岑杏賢  23歲  碩士學生 (臨床心理學)
嘩,呢一位令人眼前一亮! 樣貌端莊,談吐大方,
笑容親切,又幾高又係碩士學生,絕對符合港姐
冠軍既標準!  大家要留意呢位黑馬!! 但佢擺甫士
時個身搖得太勁,要改善下

13號 陳華鑫  店(事)務助理
終於知點解佢係後補,講野大打交叉! 甩甩咳咳又
多懶音,冇講自己幾歲,職業我真係聽唔清係店定事!
聽聞仲只得5'1",個樣靚過薛凱琪都唔掂啦

14號 黃穎君  23歲  學生
淡定有錢剩嗰啲,但要多多突出自己

15號 李青融  25歲  秘書
修讀緊語言翻譯學,但談吐唔算好淡定。
佢話有位美國朋友鼓勵佢參選

16號 簡淑兒  23歲  學生
成個格好local,原來都係美國讀書架喎,主修心理
副修美術設計。入圍唔多樂觀

17號 張名雅  24歲  學生
於UBC畢業,仍然都係好戴夢夢

18號 陳婉衡  22歲  學生
心理學第3年學生,現場司儀話佢一出場好多記者
擒高影,話佢高喎!  原來都係得5'5", 把鬼

19號 黃心穎  23歲  碩士學生 (工商管理)
又係溫哥華黎既佳麗,佢話自己係舞蹈表演者達
10多年,咁talent一定係跳舞啦

20號 張曉琳  23歲  學生
理工大學環境室內設計學生,樣貌仍然似Purple姐姐
加GEM,不過既然係土生土長既本地細路女,俾啲
support佢啦

21號 曾建怡  25歲  模特兒 / 自由身表演工作者
於嶺南大學歷史系畢業,面對鏡頭可謂駕輕就熟

22號 尤蔭蔭  20歲  研究助理
唔好睇佢傻下傻下咁原來係UCLA讀生物科架,
笑容可愛走cute路線

23號 王潔心  23歲  學生
又係UBC讀環境保育,成個感覺有啲似鍾沛枝,
不過王小姐好啲既!  笑容絕對係佢既最大賣點

24號 林泳淘  22歲  模特兒
個格太想入娛樂圈嗰啲,對選情絕對唔係件好事。
tune down返少少會好啲囉

25號 陳潔玲  24歲  模特兒
Miss Chan Chan講野算淡定,但個款好老成

26號 梁靜怡  22歲  學生 / 兼職牙醫助理
個款有啲似劉倩婷,但好可能仲矮過佢囉!

27號 李渼琦  19歲  學生
預咗佢講廣東話唔得,但都唔好好似含住舊
欖核咁講野先得架! 冇厘神氣咁樣幾靚都冇用!
我完全聽唔到佢話讀邊科囉

28號 湯洛雯  25歲  模特兒
響英國讀心理學,一啲都唔擔心佢會緊張,表現
有風範!  28號係早期港姐既旺門號碼,佢今年
應該唔會走雞! 佢亦都應該係今屆港姐最高嗰批

29號 曾明俐  26歲  機艙服務員
嘩以為蕭雅軒走咗黎選!  佢同28號差唔多高,
希望佢可以入下