港乜姐: 2012-06

2012-06-17

2012-06-08

再多4位佳麗證實被out

分別是
3號楊斯雅
21號曾建怡
23號王潔心
26號梁靜怡

哎也，呢幾個都幾靚架喎，咁快被out真慘!

2012-06-06

等看直播中，會立即更新!

3號可以留低!!!
13號可以留低!!!
8號可以留低!!!
17號可以留低!!!
28號可以留低!!!
29號可以留低!!!
22號可以留低!!!
21號可以留低!!!
24號可以留低!!!
27號可以留低!!!
11號可以留低!!!
26號可以留低!!!
25號可以留低!!!
6號可以留低!!!
19號可以留低!!!
4號可以留低!!!
12號可以留低!!!
5號可以留低!!!
7號可以留低!!!
23號可以留低!!!

被淘汰的9位佳麗係：

1. 10號
2. 2號
3. 14號
4. 15號
5. 20號
6. 9號
7. 1號
8. 18號
9. 16號

2012-06-04

2012港姐首次記招 - 後記

各位昨日3點有冇睇港姐記招直播呢? 因為我約了人4點打波，所以超唔情願下睇咗少少就要離開，myTV又要等到過12點先post返段片上去，真係等到頸都長呀!!

尋日TVB大哂冷29位港姐見傳媒，今年質素確係唔錯，完全冇嚇人佳麗，可惜大多數偏矮，大多應該介乎5'4"至5'5"左右，只得少數5'7"，更加應該冇5'9"! 而大部份佳麗說話技巧幾好，只有數位甩甩咳咳，算係咁架喇!

睇完成個直播，我對各位佳麗有好多唔同既改觀，同大家分享下!

1號黃潤娜 23歲銀行高級營業員

個妝同髮型突出唔到佢既輪廓，在bank做高級

營業員但話自己講野唔叻，咪咁謙啦

2號謝謹蔓 23歲學生 (空中服務及旅遊專業)

有傳係湖南黎既，鄉音好勁，不過談吐感覺誠懇，

算幾高 (我覺得佢似94年既鄺靜慈)

3號楊斯雅 25歲模特兒

於瑞士畢業酒店管理學，佢唔係差，但我唔太buy，

一直唔明點解係大熱之一

4號朱千雪 24歲行政助理

在溫哥華長大既Tracy，笑容可躬親切，樣子平易近人，

評判應該buy呢啲

5號鍾麗 26歲電子商務公司老闆

講野個tone好affirmative，果然係老細

6號譚曉榆 24歲氣候能源項目主任 / 兼職主持

岩岩去完多倫多但見唔到佢上fairchild中文電視既節目既?

我覺得佢乜都好平均，少少悶

7號卞曉帆 25歲經營紅酒公司

佢唔單止run間紅酒公司，仲有個紅酒品牌架喎!

於美國大學畢業

8號張鈞美 22歲學生 (世界健康及市場學)

就讀於紐約大學，電視睇冇啲傳媒講得咁大件，

不過塊面都係大嗰啲

9號湯珮姿 24歲稅務咨詢助理

仍然感覺好plain

10號譚霞 24歲學生 (物流管理)

係港大交流生，鄉音仲勁過2號，接近聽唔明!

其實港姐接受新移民我明白，但交流生係過客啫，

係咪唔應該接納報名呢??

11號王舒銳 22歲學生

四平八穩嗰啲，佢都幾鍾意側呢邊面

12號岑杏賢 23歲碩士學生 (臨床心理學)

嘩，呢一位令人眼前一亮! 樣貌端莊，談吐大方，

笑容親切，又幾高又係碩士學生，絕對符合港姐

冠軍既標準! 大家要留意呢位黑馬!! 但佢擺甫士

時個身搖得太勁，要改善下

13號陳華鑫店(事)務助理

終於知點解佢係後補，講野大打交叉! 甩甩咳咳又

多懶音，冇講自己幾歲，職業我真係聽唔清係店定事!

聽聞仲只得5'1"，個樣靚過薛凱琪都唔掂啦

14號黃穎君 23歲學生

淡定有錢剩嗰啲，但要多多突出自己

15號李青融 25歲秘書

修讀緊語言翻譯學，但談吐唔算好淡定。

佢話有位美國朋友鼓勵佢參選

16號簡淑兒 23歲學生

成個格好local，原來都係美國讀書架喎，主修心理

副修美術設計。入圍唔多樂觀

17號張名雅 24歲學生

於UBC畢業，仍然都係好戴夢夢

18號陳婉衡 22歲學生

心理學第3年學生，現場司儀話佢一出場好多記者

擒高影，話佢高喎! 原來都係得5'5", 把鬼

19號黃心穎 23歲碩士學生 (工商管理)

又係溫哥華黎既佳麗，佢話自己係舞蹈表演者達

10多年，咁talent一定係跳舞啦

20號張曉琳 23歲學生

理工大學環境室內設計學生，樣貌仍然似Purple姐姐

加GEM，不過既然係土生土長既本地細路女，俾啲

support佢啦

21號曾建怡 25歲模特兒 / 自由身表演工作者

於嶺南大學歷史系畢業，面對鏡頭可謂駕輕就熟

22號尤蔭蔭 20歲研究助理

唔好睇佢傻下傻下咁原來係UCLA讀生物科架，

笑容可愛走cute路線

23號王潔心 23歲學生

又係UBC讀環境保育，成個感覺有啲似鍾沛枝，

不過王小姐好啲既! 笑容絕對係佢既最大賣點

24號林泳淘 22歲模特兒

個格太想入娛樂圈嗰啲，對選情絕對唔係件好事。

tune down返少少會好啲囉

25號陳潔玲 24歲模特兒

Miss Chan Chan講野算淡定，但個款好老成

26號梁靜怡 22歲學生 / 兼職牙醫助理

個款有啲似劉倩婷，但好可能仲矮過佢囉!

27號李渼琦 19歲學生

預咗佢講廣東話唔得，但都唔好好似含住舊

欖核咁講野先得架! 冇厘神氣咁樣幾靚都冇用!

我完全聽唔到佢話讀邊科囉

28號湯洛雯 25歲模特兒

響英國讀心理學，一啲都唔擔心佢會緊張，表現

有風範! 28號係早期港姐既旺門號碼，佢今年

應該唔會走雞! 佢亦都應該係今屆港姐最高嗰批

29號曾明俐 26歲機艙服務員

嘩以為蕭雅軒走咗黎選! 佢同28號差唔多高，

希望佢可以入下

2012-06-03

2012港姐最新名單

1號黃潤娜
2號謝謹蔓
3號楊斯雅
4號朱千雪
5號鍾麗
6號譚曉榆
7號卞曉帆
8號張鈞美
9號湯佩姿
10號譚霞
11號王舒銳
12號岑杏賢
13號陳華鑫
14號黃穎君
15號李青融
16號簡淑兒
17號張名雅
18號陳苑衡
19號黃心穎
20號張曉琳
21號曾建怡
22號尤蔭蔭
23號王潔心
24號林泳淘
25號陳潔玲
26號梁靜怡
27號李渼琦
28號湯洛雯
29號曾明俐

令你大開眼界既40周年港姐

咁多位，TT返黎喇!!!!

實在好抱歉，相隔兩個月先再同大家見面! 其實件事係咁既，3月尾我份工冇做喇，仲諗住會多啲時間update個blog，點知懶過鬼，跟住4月忙於讀個course，5月就去咗台灣玩同返我老家加拿大探親，點知大病一場，搞到連港姐面試都update唔到! 返到黎我又要準備考試，今日終於考完喇，所以真係要拿拿臨寫啲野，唔係大家會以為我死咗! 哈!

講返正題，今年係港姐40周年紀念，照常規TVB必定大為重視! 估唔到今年由余詠珊接手，大搞得黎仲要係改革賽制，採取類似生還者的淘汰形式，務求一洗港姐死板沉悶既競選模式! 雖然未知觀眾是否對新賽制受落，但對一眾港姐粉絲必定非常雀躍，因為今年會有30位準候選佳麗亮相，感覺就如飛返80年代港姐黃金歲月有30位準決賽佳麗一樣!

今年TVB十分重視港姐，憑其網頁update之快可見一斑。本來計劃6月3日先舉行正式記招，但昨日已經更新其港姐網頁，將各候選佳麗既簡單資料及相片上載，就連報名相都登埋出黎，係咪要符合素顏及真人騷既元素呢? 之前報道30位候選佳麗將由20位本地招募佳麗加10位海外佳麗所組成，但消息指由於其中兩位來自英國的海外佳麗(據聞仲係姊妹花)受到家人反對所以放棄參選，改由兩位本地招募佳麗後補! 但從TVB網頁所見，只有29位佳麗資料，而海外佳麗只有7位，未知係咪仲有一位海外佳麗撲唔到機位返香港呢?

而呢30位佳麗一開始就要同對手死過，因為正式記招後3日就會先淘汰10位，咁計法有啲海外佳麗5月30日先到香港，1個禮拜唔夠可能就要返歸，短過去camp呀真係! 之後去英國倫敦拍外景前亦會foul多四位，到倫敦時亦會foul至少兩位，所以可以最終入到8月26日決賽既只會有10-14位佳麗，余詠珊指會視乎質素而定! 而她亦透露一早被foul的有機會被聘用報道港姐新聞，而且還可能有復活戰，一切在構思中!

到最後決賽，經評判團會選出最後三強佳麗，並會由全港市民投票決定其冠亞季軍位置。特首我地就冇權選喇，港姐反而有喎!

講返今屆啲佳麗，好老實特別標青冇乜幾個，但勝在平均，30個咁多都冇乜邊幾個怪獸。相比同係有30位佳麗既80年代，譬如1985年同1986年，30位佳麗有10幾個嚇人既，所以今年都算可以pass啦!! 係時候睇下各佳麗既芳容喇!