2010-03-22

2010年香港小姐海外招募又開始喇

消息指TVB將於今日(22/3)中午12點在香港日航酒店舉行《2010年度香港小姐海外招募》,出席嘉賓除應屆5位港姐外,仲有楊思琦、陳倩揚、及胡諾言。就記招字面睇,似乎今年海外招募冇預香港先生份喎,唔知係港生今年只係唔搞海外招募,定係索性摺埋佢呢?  有待觀察!!

自從91年開始,無線每年都會在美國、加拿大、甚至澳洲、歐洲等地作海外招募,據當時港姐節目統籌吳雨透露,是因為有感香港再難發掘高質靚女,而轉向海外發掘。此舉初期頗見成效,好似第一年(91年)就已經選出由洛杉磯報名參選既準碩士生郭靄明當冠軍。其後很多大家熟悉既其實都係海外佳麗黎架。不過近幾年,海外佳麗質素甚為普通,反而本地薑抬頭,很多時海外佳麗風頭都被蓋過。一眾港姐Fans亦開始質疑是否仍需有海外招募呢個咁花錢又冇乜成效既「政策」存在。最經典莫過於08年,一眾本地佳麗質素甚為OK,唯獨是因為海外佳麗名額有兩個,所以連質素非常不濟既10號史苑殷都有幸入圍。其實以史小姐既質素,真係連本地港姐面試實錄落選嗰D都不如呀!

好,同大家介紹下歷年部份海外佳麗:

1991 郭靄明 (洛杉磯) ─ 冠軍/國際親小姐/談吐幽默獎

1992 劉殷伶 (三藩市) ─ 亞軍/國際親善小姐

1992 李思林&李秋林 (美國) ─ 李玟兩位家姐

1994 陳芷菁 (多倫多) ─ 12強止步,賽前國際親善小姐呼聲最高

1995 楊婉儀 (洛杉磯) ─ 冠軍/標準體態獎

1997 翁嘉穗 (溫哥華) ─ 冠軍/最上鏡小姐/都會魅力大獎/東方美態大獎

1998 向海嵐 (溫哥華) ─ 冠軍/最上鏡小姐/環球美態大獎/動感都會大使

1999 郭羨妮 (溫哥華) ─ 冠軍/最上鏡小姐/國際親善小姐/千禧才智小姐

2000年海外佳麗成績最佳,三甲人選全部均屬海外佳麗所有
劉慧蘊 (溫哥華) ─ 冠軍/最上鏡小姐/國際親善小姐/最具新世紀風采小姐
簡佩堅 (多倫多) ─ 亞軍
劉嘉慧 (悉尼) ─ 季軍

02 林敏俐 (三藩市) ─ 冠軍/國際親善小姐/新世代美態小姐

02 嘉碧儀 (鳳凰城) ─ 最上鏡小姐加一大堆立立雜雜獎

02 鐘子淇 (洛杉磯) ─ 五強,現名鐘天慧,得台灣超偶2第7名後在台灣發展

03 曹敏莉 (三藩市) ─ 冠軍/國際親善小姐/芙蓉美態小姐

03 楊洛婷 (溫哥華) ─ 亞軍

04 朱慧敏 (西雅圖) ─ 亞軍

05年可謂海外佳麗由盛轉衰既一年,當屆本地佳麗質素甚強,而五位海外佳麗甫一出場已令人眼鏡大跌,最終所有佳麗最強都係10強止步,其後數年海外佳麗都越整越衰,好把鬼。

06 周家蔚 (多倫多) ─ 亞軍/最上鏡小姐

07 張嘉兒 (溫哥華) ─ 冠軍

09 李姿敏 (紐約) & 熊穎詩 (溫哥華) ─ 亞軍 & 季軍

相片鳴謝Johnny's Pageant Page提供

12 則留言:

Fun 提到...

其實陳芷菁點解會得唔到國親架呢?講真,當年我以為佢十拿十穩架囉!

林敏俐呢張官方相真係.. 個上唇掂鼻問題好嚴重~

無累旅子 提到...

"2000年海外佳麗成績最佳,三甲人選全部均屬海外佳麗所有" ---> but their overall quality, in terms of facial beauty, is really.....dunno what to say!!!

Marco 提到...

This year they are relaxing the age rule wor - can be up to 28 years old!

TT 提到...

Fun: 係喎,因乜事殺出個大面吳素珊呢下? 但明周有貼佢,事有玄機

無累旅子: 個quality確實令人無語....

Marco: 係呀, 仲話有身份證就得, 咁即係拎住行街紙都可以去TVB報名啦, 激死

Marco 提到...

re:2000

冇辦法wor

2002年王可惠(5'3.5")同簡慕華(5'4")都五甲不入

好明顯當年評判睇學歷同高度啦 - 當年三甲都5'6"以上

如果唔係,憑清熱酷小姐林淑敏咁嘅樣,點會有獎同入五甲?!

Law 提到...

大家放長雙眼睇下到時面試又會走d咩人出黎~

其實近年港姐質素咁唔穩定~ 我覺得最大原因係TVB好似係度玩野~ 有靚既唔俾佢入圍~ 係要揀D極度平凡~ 除佐學歷之外其他就百無既佳麗出黎~

唔講果D所謂最後10/12強~ 淨係講第一輪面試~ "嘩"真係唔得佢死~ 我仲好記得上年果D"闊面曾志偉" "茶餐廳阿四" ~_~ 想點~!?

Marco: 當年我幾鐘意簡慕華~ 點知三甲都無~ 完全唔明點解會輸俾翻版蘭西~

TT 提到...

其實2000年班港姐一出,D傳媒都話質素幾好,個個幾平均,點知睇睇下越睇越唔對路,覺得好plain, 真係冇乜邊個揀得落

簡慕華我覺得佢D串咀有少少OVER左, 又唔多笑, 都預左落選。不過3甲宣布後,我都好無奈咁擰擰頭....

eric 提到...

會唔會喺去晒參加國際華裔小姐呢?

狂徒誌 提到...

係喎,好似今年唔見搞《國際中華小姐》的,係未已經摺埋咗啦,而家仲見到苟芸慧的

TT 提到...

係呀, 未選架, TVB話會推到9月先選, 仲打算響上海搞添, 我較早前既post都有提過, 詳情可以睇呢度

http://missmuthongkong.blogspot.com/2010/01/blog-post_05.html

相信苟芸慧可以做20個月華姐, 哈!

F1仔 提到...

林敏俐 (林敏俐)?

匿名 提到...

其實