2010-03-23

TVB放寬參選資格圖救港姐

等到頸都長既《2010香港小姐競選》終於開始喇,打頭炮當然係海外招募。昨日01冠軍楊思琦及08哎也冠軍陳倩揚聯同應屆五位港姐劉倩婷、李姿敏、熊穎詩、袁嘉敏、及黃嘉麗一同出席呢次記招。今年招募口號為「美麗ID 你同樣可以擁有」。年年招募記招都差唔多,但今年卻有震憾性新招,就係沿用37年既港姐參選機制有重大性突破!

首先,港姐參選年齡不嬲係由17-25歲,但今年卻提升至17-27歲,意味著港姐最大年齡有機會係27歲,完全over哂主要國際性選美既年齡上限!!

第二,持有香港身份證但未有三粒星(即非香港永久性居民身份)亦可參加,但以往需在參加前合共居港滿二年的要求並未提及,不知是否已一併刪除,這又意味著港姐有機會為外籍及完全對香港亳無認識。

第三,現持有模特兒合約的女仔亦可參選,到真正入圍後TVB會"拍心口"幫佢地"擺平"所有合約事宜,好夠照喎!

何麗全指此舉並非抄襲亞視,因為有些亞姐是沒有香港身份證的,而放寬年齡限制亦想希望參選者能夠多點閱歷及工作經驗才來參選。

被問到即將卸任是否唔捨得,劉倩婷例牌大方地說:「點會呀,我當選一刻都知會有呢一日,係時候俾另一班女仔學習喇! (而家有身份證同27歲就可以選喇喎!) 係咪真架? 咁幾好喎,因為有D女仔係想做下野先黎選,可以多D時間準備嘛,而且有身份證當然應該有權來參加啦!」乜原來劉倩婷乜鬼都唔知架??

而宣傳海報5位主角楊思琦、徐子珊、陳茵媺、劉倩婷、及陳倩揚,唯獨Skye唔係冠軍,又惹起記者質疑她再度「頂替」張舒雅,她說:「唔好舊事重提咯,我只係代表2008年呢屆囉。」而何麗全亦指張舒雅較早曾書面去信通知公司,指她會在其他方面發展。估唔到呢單野講到2010年都仲講,真係..........

我覺得個Logo超靚呀
5位港姐又就快要講ByeBye喇
三位典型唔多高港姐

11 則留言:

Fun 提到...

搵d唔係海外報名既佳麗做張宣傳海外報名既poster image先好囉~

chongchun 提到...

5位有份影poster的港姐全部都是冠军,只有陈倩扬不是,不晓得tvb会否力捧陈呢!还是tvb已经把她当冠军了~

TT 提到...

Fun: 其實好似係頭幾年係搵返真係海外報名既佳麗作宣傳,之後都係求其搵架咋,其實都冇咩人care架啦

Chongchun: 我相信TVB會力捧她作司儀的,她有這方面的潛質

Marco 提到...

我覺得Skye外形大方得體, 又笑得sweet, OK啊. 不過適合set頭化妝, 做大show司儀 - 起碼好過陳敏之先啦.

丘凱敏 + 陳芷青 + 陳倩揚 = win

好過Do姐!

Unknown 提到...

點解徐子珊個樣好似整過黎?
比起Skye黎講﹐劉倩婷上任後D曝光律真係好低

TT 提到...

徐子珊不嬲個樣都唔穩定, 成日唔同樣, 但最大問題係唔知點解成日好似有兩條線響兩邊張佢塊面扯高, 搞到成日戚眼戚咀咁

劉倩婷真係好少出現各大報章, 日日都係高海寧同呂慧儀... 悶...

匿名 提到...

27歲其實都唔係完全over哂主要國際性選美既年齡上限, 如果有留意環球小姐既年齡上限, 同樣都係27, 環姐一早係90年代初已更改年齡上限, 不過tvb冇派港姐參選好耐

Fun 提到...

匿名,

最主要嘅國際性選美,我當係big5啦下,
27歲其實已經過晒世姐、國姐、地球小姐同國際旅遊小姐嘅年齡上限啦喎~

至於環姐係咪已經喺90年代就已經改咗年齡上限呢... umm.. 以我印象環姐就無正式公佈過有咁嘅改動喎 (咁份registration form就實有寫嘅)!

喺90年代開始 ,我好肯定(以入咗semi-final計)得95年入咗top6嘅千里達小姐係27歲..

不過咁講,學你話齋而家港姐都唔去環姐啦,所以age limit係幾多都無所謂,但港姐去嘅世姐同國姐都唔受27歲參選先係重點..

狂徒誌 提到...

劉倩婷的曝光率真係勁低,反而那個acting冠軍陳倩揚曝光率仲高過佢。

TT 提到...

係呀... 真係超少新聞, 連帶其他亞季軍都冇乜消息

sorry呀狂徒誌, 我以為歷史狂徒係另一人, 原來都係貴兄, 又留錯言係yahoo真係唔好意思!

狂徒誌 提到...

唔緊要,所以點解在呢度留番"狂徒"就咁解呢。

其實,陳倩揚突然竄紅,都係因為個位真命冠軍"張x雅"詐病至係咁啫。