2010-03-30

艷光閃爍顯才華

昨日開了一個題目問大家關於13號的才藝小姐,可能問得唔太好,以致各位誤以為我計埋「最具演藝潛質獎」,不過這也難怪,因為其中一位得獎佳麗郭可盈都係13號喎。

以TVB舉辦的港姐來計,要到86年才有首位才藝(又稱才華)小姐出現。當年無記更以「艷光閃爍顯才華」為口號,標榜會誕生一位才華小姐,而當屆決賽14位佳麗亦分成3組,以唱歌、舞蹈、及演戲來爭奪「才華小姐」獎項。亦因為方便決賽佳麗排練有關才藝項目,TVB亦將以往港姐準決賽及決賽只相隔一星期的慣例,延長至兩星期,果然非常重視!

而首位奪得此項殊榮既就係當年大熱13號吳婉芳,她除成為"歷史性"首位才華小姐外,亦兼得最上鏡小姐及亞軍,成為首位連中三元既港姐!  May都算係港姐史上一個重要經典呀!
吳婉芳憑一首"長夜My Love Good Night"贏得全場
拍爛手掌,奪獎實至名歸。
 
吳婉芳其後加入樂壇,成績不俗,90年推出首張唱片,並囊
括各大傳媒主要新人獎,包括叱咤樂壇生力軍女歌手金獎,
"准我離開吧"、"煙花雪"、"難言再見"均為其首本名曲。May
其後退出樂壇,下嫁胡家驊做胡寶星新抱,做其少奶奶。
近排開左間麵包舖過下日晨。

事隔10年,無線再設Miss Talent獎項,今次取名「才藝小姐」,是次才藝項目分位四項,有演戲、唱歌、舞蹈、及口才。最後由當屆冠軍13號李珊珊以作狀表情演譯秀姑一幕戲奪得此獎。
李珊珊準決賽已經拎咗才藝小姐、最上鏡小姐、及
最受傳媒歡迎獎,真係由頭帶到尾

李珊珊之後星途實屬麻麻,以演戲奪獎既佢,拍TVB劇集時非常生硬,全無演技可言,一味嘟起個咀既表情更嚇怕唔少觀眾,故不久已甚少演出機會,其後憑與錢嘉樂一段情叫做 keep住見報。與錢分手後一直游手好閒,間唔中有明星足球隊新聞或一些廣告中見到佢,不過似乎佢幾enjoy做其紙上明星。

講到Talent,李珊珊既語言Talent就肯定零蛋,不過佢選環姐Interview環節有8.96分喎,令人嘖嘖稱奇!


到2002年,港姐又增設同類型獎項「卓越才藝小姐」,形式跟96年差唔多,最後得主為13號蔡潔雯,她以一身很有女人味既勁舞演譯蘇永康既「眉來眼去」奪得此獎。
Rubyanne沒有參與幕前演出,09年港姐招募時
曾出現過,現職為空姐

03年才藝小姐得主為18號既李詩韻,佢跳既中國舞散發古典美,但略嫌平凡,得獎算有少少爆冷。今年既才藝項目取消口才,改為功夫,要一眾佳麗粗魯對打又嗌又劈咁,實屬不雅。李詩韻雖以舞蹈奪獎,但演技不俗,惟欠上位機會,常徘徊二線中至尾角色,Selina加油呀!
李詩韻準決賽時爆冷奪最上鏡小姐及才華小姐,
在決賽時再下一城爆冷五強不入,真係Miss Pao Noun!

好喇,最後一位既13號才藝小姐係邊個呢?  呢個其實唔係好多人知 (亦冇乜人care),佢就係2006年既冠軍13號陳茵媺喇!  當年呢個獎係在某商場內頒發,各佳麗表現自己既專長 (冇限制),並由現場觀眾投票選出,結果由表演鋼琴既Aimee奪得!   嘩...... 唔好噓我呀!!
陳茵媺暫時演藝事業頗平坦,在「畢打自己人」中表現
備受讚賞,剪了一頭短髮既佢常飾演警花,得閒問下
陳鳳芝攞D意見囉!


13 則留言:

Marco 提到...

原來唔包括最具演藝潛質獎! Sorry! 因爲我一唸就唸到Kennix!

我好鍾意Aimee, 當晚明顯最靚. 反而之後長頭髮好娘 - 好彩而家短髪好有型!

TT 提到...

唔駛sorry喎marco, 因都有朋友響msn問我係咪包埋最具演藝潛質獎, 所以我諗應該係我問得唔好囉

係呀, 2006年Aimee當晚係超靚(尤其泳裝), 而家短髮都好, 好似我報頭幅相幾型!

Fun 提到...

直情係你問得唔好啦~

陳茵薇決賽個晚真係ok既,不過佢響我俾佢既分數都係排第4..

狂徒誌 提到...

吳婉芳當年個隻《准我離開吧》,勁正

TT 提到...

Fun: 你死要周家蔚入top 3架啦

狂徒: 係呀, 我記得有買餅cassette帶, 佢嗰時都紅喎, 我諗港姐唱歌除咗鄺美雲, 佢算最成功!

Marco 提到...

Yee?

Fun, 唔知你prefer曾愛媚定徐淑敏取代佢入三甲呢? :P

印象中曾愛媚對答OK, 但五官在五甲裏面明顯最平凡wo

徐淑敏當晚表現好扣分囉!

robocon 提到...

Aimee 當年質素頗高,我的三甲人選是 曾愛媚, Aimee 及鄭詠森/呂慧儀.

陳茵微近年剪短頭髮清爽很多,很適合她.

robocon 提到...

李美鳳唱歌都ok, 起碼她的熱愛can't let you go 能流芳百世.

Fun 提到...

TT,
你又錯啦喎,根據分數周家蔚係排第7咋喎~

base on當晚表演,我既5強依次序為:呂慧儀/徐淑敏/黃瑩/陳茵薇/鄭詠森.. 曾愛媚排第6!

TT 提到...

Robocoon, 06 3甲我揀呂慧儀/陳茵媺/徐淑敏,不過其實反而最合理既係bottom 6 (除2號)

嘩... 李美鳳呢首歌,真係要搵次專題介紹!

black lab 提到...

我記得吳婉芳當年係唱《夢伴》喎...

仲有,蔡潔雯係有參加過幕前演出,做過吓類似《刑偵》某一個單元嘅主要角色。

TT 提到...

唱夢伴既係6號崔嘉寶喎

我係記得蔡潔雯好似係大唐雙龍傳做個乜鬼舞妓,但其實真係好少演出, 所以冇乜當係幕前

同埋佢應該冇響刑偵出現過, 因為最後一輯刑偵好似係99-00年做!

black lab 提到...

我係話「類似」啫。因為唔係好記得實際個劇名,只能夠打個比喻話係類似嗰d由單元組成嘅劇咁囉。引起誤會,唔好意思。
如果你話係《大唐雙龍傳》,咁我諗我有見蔡潔雯出現過嘅應該係呢套劇。