港乜姐: 2010-09

2010-09-30

國際中華小姐 - 內地選區揭幕

較早前TVB曾講過今年國際中華小姐會在11月大搞，而之前亦會搞一些內地賽區初選，而打頭陣既就係廣州賽區! 今次初選有11位佳麗，據報道講會選出5位佳麗進入決賽，但唔知係咪指會直接進入11月既決賽呢? 如果係，個決賽咪好多人?

觀乎11位佳麗質素平平，較多報道既係4號劉丹，其賣點為比今屆港姐7號何樂翩個鼻還要直既間尺鼻，貌似范冰冰既佢當然否認，並叫記者可以上網google一下佢既"底細"以證真偽!

11位佳麗落力擺pose

4號劉丹真係似范冰冰咩?

而出席嘉賓計有應屆華姐苟芸慧，選美宣傳常客張嘉兒，及將為香港出戰既陳庭欣。苟芸慧話佢做咗1年10個月既華姐，感覺好特別，被問到心水，她說曾為今屆多倫多華姐冠軍加冕，感覺對方很有氣質，今次比賽很有機會。而陳庭欣被問到見到對手"如此水準"，會否增強奪冠信心，她說只會以平常心看待是次比賽!

過往兩屆張嘉兒陳倩揚均打入三甲，

唔知陳庭欣今年會唔會斷纜呢?

2010-09-26

一年一度醜衫巡禮

每年到呢個時候，都係國際選美陸陸續續舉行既日子。今年更加犀利，港姐選完，緊貼有延遲舉行既環姐，世姐又提早到10月舉行，之後又有國際小姐，又有國際旅遊小姐，連無線都無啦啦擺埋國際中華小姐響11月，喜歡國際選美既網友，呢兩個月肯定跟選美新聞跟到嘔!

而每年呢個時候，又係到核突到無倫既"靚衫"出場既時候，自信到囂既Karen Chan必定得意忘形咁SHOW佢既"傑作"，今年由"幸運兒"張秀文示範，好想講一句：TVB係咪成日嫌D港姐唔夠醜架啫?

條裙好似一棵黑色既聖誕樹，硬係乜都要

擺D上去先叫好，貫徹香港人乜都要多唔理

有冇用先叫抵既性格! 個髮型係咪鳥巢2號?

點解死要戴對手襪喎?

張秀文笑容幾甜，身材幾好都冇用啦!

不過那邊廂，闊別世姐13年既澳門今年有代表參加喎，心水清既網友都知係隔離台Fun生活既扑主拎到個franchise返黎搞，我地呢D選美戰友都戥佢開心到彈起! 而是次派既代表係08澳姐季軍伍家怡喎! "當張秀文遇上伍家怡"會係點呢? 大家好快睇到喇，講真佢地既外型都有幾分似，但講到D衫喇喎................... ，你地自己睇下，爭幾皮呀!

2010-09-22

又到中秋

一年容易又中秋，今日雖然仍然要返工，但係又有得放早聽日又放假，真係好有Holiday Mood呀! 不過今日天氣麻麻，應該見唔到個月光lu，不過可以同屋企人食餐飯打下牌，都覺得好開心呢! 最緊要團團圓圓嘛!

我TT響度祝大家中秋節快樂，人月兩團圓，勁食月餅都唔怕肥! ^_^

嫦娥下凡呀!

2010-09-17

d衫繼續核突

港姐們昨日出席慈善晚宴，做咩事先D衫，復古80年代? 點解硬係要整到莊思明個頭咁樣啫?

一班後生女慘遭無線糟蹋!

2010-09-15

串咀Barbie再戰亞姐

自從2004年亞姐轉營以較"國際化"形式舉行以黎，質素尚算幾好，不過港澳賽區一直都疲弱不堪，靚女寥寥可數。今年一D都唔例外喎，情況好似仲惡化咗添，難為亞視高層葉家寶曾揚言亞姐唔會好似港姐咁豬扒雲集，睇黎佢對豬扒既定義都好唔同喎。

不過難船都有三分釘，今屆亞姐港澳賽區仍然有極少量稀有優質佳麗，令呢個所謂選美不致於選醜。當中表表姐梗係曾參加過今屆港姐面試既「串咀Barbie」廖祉甯啦!

串咀芭比被記者認出，要勞煩ATV安排佢

出黎再做訪問，不過串咀依舊，話人地做乜要針對佢。

佢呢個look好似好咗添喎!

Barbie選港姐時好似肥D

Emily再戰亞姐，睇下其他對手，佢

今次應該冇走雞

應該係呢個呀可??

其實呢位佳麗係咪07個「的骰阿嬌」

王嘉倩?

呢位佳麗真係好似"萬千師奶賀台慶"

裡面既詹瑞文呀

蘋果以"烚熟人頭"黎形容呢位佳麗，

又未至於既

鬥雞林碧珍

亞姐版唐安麒

乜都大D版江若琳

乸埋一舊既李紫昕姐姐

呢位佳麗「臉長令人驚嘆」度不下

於張郁蕾架

肉蒲團高海寧

「瞪眼行姐」算係不俗架喇

呢位佳麗名叫黃嘉麗，似乎比

舊年既黃嘉麗更加有睇頭喎

呢位佳麗身型幾高朓咁，可以執下喎

來自上海既Twins楊晴同楊晶，不論樣貌

同名字都非常國產

2010-09-14

國際小姐香港代表係........

哈哈，俾大家估咗一晚，好多網友都想知究竟邊個代表香港出戰國際小姐，我都忍口忍得好辛苦，好喇而家要開估喇，佢就係......

國際小姐香港代表係...........

馬鈞怡? 唔係啦，佢返咗加拿大，而且

TVB係永遠都唔會派一個最適合去外國選美

既佳麗代表香港架，點會係佢?

彭慧中? 好似話佢簽咗TVB 8年喎，TVB仲唔即刻

叫佢去做下d獎品小姐先咩，再估下啦

3號!! 夠震撼喇掛? 又係8強，不過...

都唔岩喎

其實呢..................................................

係我湯寶珍呀，請大家多多指教!

2010-09-13

嚇到半死既內幕消息

啱啱收到一個好震撼既內幕消息，聽完之後真係要成個鐘先可以回魂!

講下講下，國際小姐都就快舉行喇喎。既然莊思明已經講咗因為護照問題而不能代表香港參加國際小姐，一眾粉絲就議論紛紛，究竟TVB會派邊個去國姐呢? 當中開盤最熱既當然係最上鏡小姐兼第四名既李雪瑩啦，但有傳佢都係持有英國護照，所以未必可以順利去選國姐!

咁究竟邊個會去國姐呢? 我聽到呢個消息都真係哇一聲嗌咗出黎，不如大家估下先，俾D提示大家，知道係派佢你可能都會哇一聲，但諗深一層又不無道理，哈哈哈哈!!! 玩陣先啦，呢個消息會好快話大家知!

????? 究竟係邊個呢? 我都好緊張呀搞到!!

2010-09-11

2010華姐有聲氣喇

等到頸都長，2010年國際中華小姐終於出場喇! 昨日一班應屆港姐陳庭欣張秀文莊思明李雪瑩、應屆華姐冠軍苟芸慧、亞軍陳倩揚，以及08華姐亞軍張嘉兒均有出席記者會。今年華姐會於十一月十三日，移師天津舉行。而跟之前所講一樣，馬尼拉代表會一如以往參加，不會因為人質事件而像亞視般取消其資格。

陳庭欣被問到會否擔心豬扒事件繼續舊事重提，佢話：「其實都預咗喇，不過近來少咗人講，可能見得我地多咗覺得順眼咗卦? 不過今次係代表香港出賽，點都會有D壓力既。」而另一單關於佢在一飯局好似陪酒女郎咁敬酒，惹起TVB不滿既新聞，佢就解釋：「其實嗰日係我既生日party，飲少少酒囉，平時我都係以橙汁代替酒。」

其實TVB可唔可以幫Toby化濃D個粧呢下?

驚佢靚得濟咩

苟芸慧接近做足兩年華姐，比起

89黃美潔既任期仲長，夠哂皮啦!

劉倩婷會唔會有D酸溜溜呢?

(ps: 明報影相D色爭咁遠既? 苟芸慧條裙)

陳庭欣表示未正式接獲TVB通知要去華姐架喎其實，

會唔會好似國姐代表咁仍存好多變數呢?

當日確係陳庭欣既生日派對黎架

(相片取自文凱玲微博)

2010-09-10

2001港姐面試佳麗美國被補

佢唔係邊個，就係Rosemary!

剛據Yahoo報道，香港著名時裝模特兒Rosemary Vandenbroucke在美國內華達州因涉嫌藏毒被捕，之後又因為駕車撞毀當地一個著名地標被起訴。據悉她涉嫌在當地黑岩沙漠一個狂歡節上藏有少量搖頭丸，而搖頭丸在美國屬受管制藥物，她事後獲准以15000美元保釋外出，將要在下月19日提堂。

28歲的Rosemary是於當地時間上周日早上9時半被捕，當時她正參加在黑岩沙漠舉行的「燒人節」（ Burning Man Festival）狂歡派對，被發現把一些東西交給另一人。當警員向她問話時，發現她身上藏上少量受管制的藥物搖頭丸。

她事後被當地警方落案檢控藏有受管制藥物罪名，獲准以15000美元保釋，定於下月19日提堂。一旦罪成，最高刑罰是緩刑4年。

在被捕後翌日，她在交還租用的流動汽車屋時失事，撞到雷諾街邊的消防水龍頭和當地著名拱型地標「世界上最大的小城市」( Biggest Little City in the World)的柱躉，然後不顧而去，途人於是報警。事件中沒有人受傷，損毀的消防水龍頭亦沒有噴水，但汽車屋受損嚴重。

途人報警時指汽車屋內有乘客曾下車把損毀的水龍頭由車底下移走，司機之後駕車逃走。 Rosemary的汽車屋最終被警員截獲，事後獲准以近1280美元保釋候查，將要在9月29日提堂。她被捕後曾在雷諾的獄中拍照及提供指模存檔。

Rosemary曾以已成名身份參加2001港姐，並現身

首輪面試。後因合約問題及母親大力反對而退出，當

年成為一時佳話。唔知佢如果真係選01，楊思琦仲可

唔可以一人獨攬咁多獎呢?

2010-09-07

豆斗又弄瓦

已經係兩個小女孩母親既邱淑貞，近日又傳喜訊，以42之齡誕下第三名千金，取名沈星。據其好友袁靚靚表示，BB女靚女可愛，得人鍾意。被問到Chingmy是否追唔到仔唔罷休，佢話：「都係你地出面d人講之嘛，佢生仔生女都冇乜所謂既。」不過生咗3個女，係人都恨有個仔，正常既!

講開靚靚，佢就越住越富貴，近日被發現搬往近三千呎新居，似乎準備地方容納多個人仔喎。記者就此事訪問Chilam，佢話：「嫌舊居大潭遠得濟，我手車唔好嘛，呢度方便D。」