97年港姐是非之多堪稱歷年之冠，又內定又你唔妥佢又鬧佢八婆又爭仔又杯葛又不滿港姐制度，單單野搞到滿城風雨! 當中參選佳麗劉綽琪更指參選後從來唔會有gathering約出黎食飯，一班佳麗既"友誼"可見一斑。不過世事無絕對既，廿個女仔裡面實有幾個傾得埋，好似早排微博上載咗一幅經典97港姐合照，當中有冠軍翁嘉穗，頂頭大熱19號歐陽妙芝，同埋之後都拍多個廣告既20號林翠鳳。其實過咗咁多年，乜都化啦，多個朋友咪仲好!
學當年15號伍燕妮話齋，但願呢份友誼，
永遠都唔會褪色吖....
咦? 隔離台阿FUN都搞過眼鏡派對喎，
我地啲眼鏡冇呢啲咁"行"啦... ，哈!
3 則留言:
1997年佳麗質素唔弱,李明慧,歐陽妙芝,任葆琳,翁嘉穗四大熱門鬥得熱哄哄,加埋是非精歐芷婷,林雅詩,令到當屆港姐日日佔領C1有利位置!
唔知點解,我一向對亞軍港姐情有獨鍾,有冇人知道李明慧近況?
其實我覺得李明慧係最好果個..不過好似話佢之後就飛左去第2度結婚lu~
歐陽妙芝小姐旁邊是否翁嘉穗小姐（眼鏡1派對那幅1相片）？？？
張貼留言