2011-12-06

胡囧囧終於吐氣揚眉

「萬千星輝頒獎典禮2011」終於圓滿結束,五年前憑肥田臨門撻Q既胡杏兒憑「萬凰之王」沅宛一角終於吐氣揚眉,升呢榮登視后,亦都係第四位港姐出身既萬凰之王。

雖然我就唔算係胡杏兒既die hard fans,但對佢選港姐時既印象非常深刻。99年正值互聯網開始普及,TVB亦設立99年港姐既網頁Forum,俾一眾粉絲留言。當時因為佢響準決賽係最後一位入圍既,所以喊到喊包咁,我就響forum留言支持佢,但估唔到亦有其他網民評擊佢扮哂野。當年既我好在意啲人點睇港姐,搞到我花好多時間同其他網民互駁,而家諗返起都好幼稚。好彩佢都選到季軍,記得當年類似東張西望既節目追訪佢當選後返科大宿舍,佢竟然響個書包度拎個后冠出黎,當時感覺呢個都係走傻大姐路線既港姐。

胡杏兒之後開始有戲拍,拍「流金歲月」時飾演有輕度智障既少女贏得好評,以為佢既戲路唔會局限十三點路線,點知之後啲戲枕住苦情樣,乸埋口面既演技被一眾網民惡搞為"胡囧囧",肥田一角都幫唔到佢。之後有一排沉咗響谷底,估唔到巴不得爸爸搞笑角色又有啲noise喎,到今年終於榮登視后,而其他劇集角色亦發揮得唔錯,憑「怒火街頭」奪得我最喜愛的女角色一獎,又由視民投票奪得非凡風采女藝員,可謂係冇乜反對聲下奪后。

睇胡杏兒攞獎時我都有啲感慨,原來佢出道咗12年架喇,今次仲同bosco發表愛的宣言,實在係雙喜臨門! 

胡杏兒成為第四位港姐勇奪視后,咁岩之前蔡少芬同佘詩曼都係季軍,另一
張可頤亦只係頭五名,唔通港姐名次同視后成績係成反比既??

戀情終於浮上面,梗開心啦

而另一位港姐焦點係奪得「飛躍進步女藝員」既馬賽,擊敗同屆港姐高海寧短短三年獲得此獎,難怪得獎時都非常激動啦!

同是港姐季軍既馬賽奪飛躍進步女藝員

徐子珊個髮型幾型仔,但條裙會唔會累贅咗啲

鍾嘉欣偶有佳作,但年年都係坐冷板櫈,從來未被視為熱門,
究竟衰乜呢?

李詩韻無懼其美容院負面新聞,心情
靚靚出席盛會

點解陳茵媺唔係拖陳豪既?

陳法拉受面癱困擾,希望佢早日康復啦

伍姑娘今次騷一騷令人嘩然,不愧為
亞姐經典之一

高海寧選08港姐時輸咗個馬(賽)鼻,估唔到今次
角逐飛躍進步女藝員又歷史重演

久違了的「最美麗相中人」陳妙瑛做盼獎嘉賓,今次一輪
咀講咁多野都冇騰雞喎,個樣又keep得好,俾個讚你!

2 則留言:

四叶草 提到...

蔡少芬用了7年时间夺得视后,张可颐&佘诗曼用了9年的时间,胡杏儿用了12年,如果港姐成绩跟视后成绩是成正比的话,下一位会是马赛?黄智雯?(钟嘉欣&陈法拉是选华姐出身,她们谁会是第一位选华姐出身的视后?)

Unknown 提到...

唔係呀~胡杏兒當時係響個盒度拎個后冠出黎ga^^而佢嘅同學就話佢響科大𠴱陣個頭髮好黏笠笠:)

另外, 1999年MissHK決賽當晚,問答環節要佢當自己係知名藝人, 要佢扮喜怒哀樂, 結果博得全場掌聲, 評判何超瓊仲好滿意tim :D