2012-01-07

等到頸都長既華姐

前身為"國際華裔小姐"既"國際中華小姐",自從07年換湯不換藥地加入大中華地區佳麗以圖打入國內市場,一路越做越怪。首先舉辦日期及地點極不穩定(09年年頭搞,到10年年尾搞,11年索性冇搞),及後佳麗編號以英文城市名稱排名但又出錯(好像奧克蘭Auckland排先過阿姆斯特丹Amsterdam)。

到今年,華姐更騎呢到盡,先係時間方面,昨日1月6日各佳麗在記招首晤傳媒,9日後1月15日就進行決賽,堪稱TVB歷年搞既最短選美,而且安排在晚上9時才開始,應該是記憶中最"晏"開波既選美show!  而又因為11年冇搞既關係,為咗吸納10年尾選出黎既冠軍,個別城市竟然有兩名代表,好似多倫多、溫哥華、墨爾本等,唔知佢地既彩帶會唔會多倫多A,溫哥華B咁呢?  所以就算有28位佳麗參與,其實參與城市卻下降。28位佳麗亦分為3區,分別為亞太區、歐美區、大中華區,分區後再以佳麗城市英文名稱排名,所以香港代表朱晨麗是大number 26號! 而每個區亦有一大獎,咁咪好似世姐既亞洲皇后咁囉?

好喇,睇返今年一眾華姐,個人覺得整體質素不俗,貫徹近幾年中華小姐傳統,篩走專派怪獸既城市,換來整體質素差極有個譜。雖然今年香港小姐朱晨麗係近年叫做睇得下兼零投訴既代表,但相信今次都要苦戰一番,希望可以為港吐氣揚眉啦!


28位佳麗先禮後兵,黎個大合照先啦

28位佳麗官方照,影到啲色一撻撻,核突!!

亞太區代表
1號林曉賢(奧克蘭)、2號蔡健萍(奧克蘭)、3號畢利雅(曼谷)
4號葉伊秀(吉隆坡)、5號林家冰(吉隆坡)、6號林啟莉(馬尼拉)
7號范文雅(墨爾本)、8號馬穎杰(墨爾本)、9號黃馨慧(新加坡)
10號劉夢倩(悉尼)
佢地會競逐「亞太區活力動感大獎」,個人建議搵亞洲皇后楊寶玲
頒呢個獎!!


歐美區代表
11號張曦雯(芝加哥)、12號陳藝蓉(倫敦)、13號余文杭(蒙特利爾)
14號鍾雅雯(蒙特利爾)、15號海莉鈴(紐約)、16號譚曉榆(多倫多)
17號洪美珊(多倫多)、18號蘇慧文(溫哥華)、19號徐穎堃(溫哥華)
佢地會競逐「歐美區時尚風采大獎」

大中華區代表
20號王安琪(安慶)、21號許敏(安陽)、22號黃月蓉(北京)
23號謝佳妤(北京)、24號李俐璇(大連)、25號于淼(大連)
26號朱晨麗(香港)、27號李婷(天津)、28號郝心言(鄭州)
佢地會競逐「大中華區典雅氣質大獎」
相信朱晨麗可以好融入一班大中華佳麗喇,因為背景相近嘛

19號徐穎堃原來係大俠徐少強同雪梨既囡囡喎,
有姨媽米雪射住,問答時曾志偉唔會挖苦佢啦

5號林家冰與26號朱晨麗均被指似陳法拉,
今次有番惡鬥喇!

藍衫佳麗均身材豐滿有睇頭

11號張曦雯抽中試戴后冠,由應屆冠軍岑麗香加冕,
呢個幾省鏡喎


唔知一個星期華姐會有咩宣傳搞作呢?  聽講時間緊逼都有外景喎,原來係香港特色景點,會唔會學亞姐咁去廂街食煲仔飯或者黃大仙祠上注香呢?   awwwwww...........





8 則留言:

匿名 提到...

我覺得班參賽者質素係唔錯
但佢個system真係差
10年話大搞,點知做到唔起眼
12年要就新年,所以11年冇搞
今日睇到有28個,點知係張10年果D都去選....
我覺得TXB肯用「心」做,個節目可以做得好好

dty 提到...

好少記招之後唔夠一個星期就選,連官方網頁都冇official pics。又冇overseas trip 去做shoot.TVB真係好冇誠意去攪華姐。

Law 提到...

唔知香港會唔會每12年~ 又出一個香港華姐冠軍呢~? 雖然仲未到新年(龍年)~ 但過往兩個華姐冠軍(香港代表)都好似係龍年選出黎~

講返個topic: 唔怪之得今年成村人黎選~ 但唔知係咪相片既問題~ 今年質素睇落較普通~ (只有幾個比較ok)

四叶草 提到...

tvb已经upload最近的官方照片了,很不错。。

F1仔 提到...

EM...倏咩個后冠扁到甘=.=

robocon 提到...

我正奇怪為何 香港沒有 列入亞太區內...原來我忘記了香港屬於大中華.

華姐個后冠真係好核突, 點解唔改善吓.

不過自從徐子姍李亞男那年之後, 我已經無乜點留意華姐, 毛記咁樣攪法, 根本很難令我提起興趣囉.

匿名 提到...

噢,試戴后冠果個真係做左冠軍,很蹺呢!
今年靜悄悄的華姐如此這般就選完了!

盧健揚 提到...

生活影音製作
視訊聊天
呱呱視頻社區
呱呱真人秀
呱呱視頻娛樂
呱呱視頻演藝社區
呱呱下載
呱呱視頻社區
呱呱視頻
51vv視頻社區
51vv虛擬視頻
51vv聊天室
51vv視頻社區下載
七喜視頻社區
七喜小說
七喜言情小說
言情小說
言情小說免費閱讀
言情小說吧
好看的言情小說
都市言情小說
言情小說排行榜
言情小說大全
言情小說推薦
免費言情小說
小說閱讀網
美女貼圖
日韓美女貼圖
花生美女貼圖
美女圖片
貼圖論壇
熊貓貼圖
美女工廠貼圖
美女貼吧
日韓美女裸體貼圖
日韓成人美女貼圖
成人美女貼圖論壇
成人日韓貼圖
日韓貼圖
世界杯日韓美女
日韓美女全捰體照片
美女寫真
美女裸體的視頻
美女裸泳
美女裸泳照
美女裸泳無遮擋圖片
美女裸泳照視頻
視訊交友
視訊聊天交友網