施熙瑜再續宮雪花神話

2011年亞姐港澳區入圍名單出爐，面試時風頭一時無兩既，以47之齡參加既8號施熙瑜順利入圍，與其他14位"女仔"齊齊競逐亞姐總決賽入圍資格。事有湊巧，施熙瑜正正抽中企響全場最細既7號康馨月隔離! 年齡相距三十年既兩女來個生死戰，似乎幾有睇頭!

施熙瑜直言參加選美係佢既畢生夢想，年青時因為家人反對無法參加，後其母認識其好友89年港姐冠軍陳法蓉後才對選美改觀，覺得選美既女仔都好好，而Monica跟07年港姐亞軍王君馨更傳授catwalk及選美秘技俾佢，務求令到佢發揮得最好，可以無憾咁一圓呢個選美夢!

而令一焦點係來自巴西既14號胡主莉，她自稱曾與陳法拉一齊選過美國華埠小姐添，點解無啦啦搬去巴西住既?

做得7號康馨月阿媽既8號施熙瑜稱年齡

相隔30年冇尷尬，佢對選美既熱誠果真令人欽佩

14號胡主莉話記憶中陳法拉係個好有性格既女仔，

呢句說話好玄喎

另一大熱6號馮雪冰在北京做製片，其實

佢可以試下選港姐喎

施熙瑜2000年參加過TVB舉辦既健美小姐，

最終3甲不入! 其實點解佢唔試下85年嗰屆健美小姐呢?

陳法蓉善改衫

陳法蓉日前在銅鑼灣出席一環保騷做宣傳，一身環保桃紅衫的她說：「我哋D藝人著過既衫，會俾人認得，所以我一係會送俾人做二手衫，一係會一衣多穿，自己DIY改下咁囉，變露背同吊帶乜都得。」被問到工作：「我都係主打拍廣告，除非有好劇本啦，唔係都唔會撞架喇。」一眾蓉迷真係失望咯。

同場亦有曾參選2000年健美小姐既時裝設計師施熙瑜，佢近年十分低調，但見到一眾教人及喬宏遺孀小金子撐住步行輔行器來捧場，施熙瑜大為激動，感人落淚。

陳法蓉常常保持作戰狀態，彷彿 

叫佢即刻去選都仲得!

施熙瑜: 好多謝你特登嚟捧我場呀, 嗚嗚...

小金子: 唔好喊啦, 傻女黎既

陳法蓉: 我包紙巾放咗響邊啫真係....

(設計對白)

狄娜病逝

今早其實已見各大報章寫狄娜姐姐病危消息，到下午狄娜兒子馬天如證實狄娜於昨日早上11時10分已與世長辭，享年65歲。馬天如的信中提到母親遺言：「我母親已於 3月 31日上午 11時 10分逝世，母親臨走前曾說，刀槍能殺人，筆墨能救人，有了傳媒才能溝通，試想過去人類歷史，在未有傳媒時，社會多黑暗，認知多單薄，期望傳媒繼續有建設性的工作，秉持良知，社會因傳媒而進步，會懷念傳媒……我會一直向你揮手，以上是母親的說話。」

狄娜原名梁幗馨，1962年加入影圈，拍過多部大膽電影而成為一代前衛女性icon，其言詞有立場及大膽，有經歷過破產及身家過億，所以被傳媒冠以「奇女子」。

狄娜亦曾出現過多次選美活動並發表偉論，1975年在香港小姐競選上頒發首位最上鏡小姐時演說約5分鐘才宣布得獎佳麗，1985年在健美小姐上亦發表對健美的睇法。最近一次為擔當2006年香港小姐評判，跟司儀曾志偉等在台上妙語連珠。

感情方面，最轟動莫過於跟劉家傑及李志中的三角戀。無獨有偶，劉家傑及李志中均做過港姐司儀，前者做過1973-76，後者做過1978。

圖為狄娜擔任2006年港姐評判時與一眾佳麗及

其他評判攝於比賽後

劉家傑(上圖)及李志中，當時傳出轟動三角緋聞。後者更為狄娜仰藥自殺。

狄娜姐姐，永遠懷念你 (1945-2010)