港乜姐: 特輯: 乜料

顯示具有 特輯: 乜料 標籤的文章。顯示所有文章

2011-06-10

No more crown!!!!

收到可靠消息，有黑面樂易玲之稱的12號佳麗王冠已經退出本屆香港小姐選美，原因未明，相信是她不太習慣港姐競選過程吧，由始至終佢都好似投入唔到咁，而且完全唔識廣東話，真係好大障礙呢!

唔知TVB會唔會好似02年咁增設後補佳麗呢? 當年4號林曉維及17號余綺文均以"熱熱地"姿態甫亮相後不久便退出，TVB"罕有"地補上4號劉啟兒及17號劉若莉，惟兩位佳麗最終均不能進入決賽。

TVB.com內的港姐主版面(上)及pull list(下)

均已清除12號王冠的資料

林曉維 & 余綺文

劉啟兒 - 註定陪跑

劉若莉 - 本來平平無奇，到塞班島拍外景後

一鳴驚人，憑身裁日日見報。落選後做過

一陣獎門人歡樂小姐

2010-06-17

港姐陪你食咗37年稯

尋日又係農曆五月初五端午節喎，各位網友又有冇食返隻糉睇扒龍舟應吓節咁呀? 雖則話香港既傳統節日氣氛越嚟越淡，但香港小姐每年仍然堅持派代表出席為龍舟健兒打氣，今年代表就係應屆港姐亞軍李姿敏喇。Germaine昨日身穿tubetop亮相沙田龍舟競賽，並協助宣傳香港先生招募。估唔到特首端午節抽水講政改，TVB都抽下水宣傳港生，向一班大隻龍舟埋手喎!

其實港姐與端午龍舟真係有千絲萬縷既關係。因為每年港姐選舉均在端午節前後舉行，故每年港姐(不論已得獎或仍在候選)都會出席。好像在七八十年代，港姐決賽均在端午節前舉行，出爐港姐均會出席該年龍舟活動，而當年港姐十分受市民關注，所似港姐到場例必引起一番哄動，她們亦會受龍舟大會如接待高官般招呼，認真架勢。「最美麗港姐」朱玲玲，亦係在當年龍舟比賽活動中，邂逅其第一任丈夫霍震霆，展開港姐嫁入豪門既先例。

而90年代既港姐，因為多在端午節後才舉行決賽，故TVB安排眾候選佳麗組成鳳艇，參與女子組比賽。由於眾港姐沒有專業扒龍舟訓練，加上眾女嬌滴滴雞手鴨腳，故每次比賽均例牌成包尾大軍，更有好幾屆因為只在起點不停打轉，根本未能完成賽事。不過大家見到靚靚港姐們都我見猶憐，唔好意思笑佢地啦。

到現在雖然港姐「落區」哄動程度大不如前，但我每年都會留意下邊個港姐出席，算係一點情意結吧!

77年港姐冠軍朱玲玲出席龍舟活動，並頒獎給

勝出商會。右一為其第一任老爺霍英東先生

此圖片極為經典! 83港姐三甲冠軍楊雪儀、亞軍

張曼玉、季軍李月芙，以及高層劉天賜一齊出席

龍舟活動! 難得咁熱三位都笑容滿面!!

86年港姐冠軍李美珊與當年港督尤德爵士頒

發獎座，你地睇港姐可以同港督並肩而立，

當年港姐地位之高可見一斑

(Fun補充: 李美珊係唯一一位港姐連續兩年

以冠軍身份出席龍舟活動，當年亦有報刊

訪問佢既感受!)

87年港姐亞軍李美鳳、季軍林穎嫺、與87環球

小姐香港代表鍾淑慧出席龍舟活動。咦楊寶玲係

咪去選緊環姐呀??

88港姐亞軍陳淑蘭與布政司霍華德

2002年候選港姐與楊思琦朱凱婷

到03年林敏俐以冠軍身份出席龍舟競渡

03冠軍曹敏莉同班龍舟健兒好襯喎

04冠軍徐子珊到城門河畔為健兒打氣

07候選佳麗與兩屆師姐葉翠翠陳茵媺合照

所謂崩口人忌崩口碗，Kayi就咪鬼走去

個己丑年(音: 幾醜)牌度影相啦

昨日李姿敏與一眾港生為龍舟健兒打氣

今屆港姐端午節當日均身在印度拍外景，唔知下年會見到邊個出席呢?

2010-06-14

一班2010年港姐昨日齊集眼鏡店挑選太陽眼鏡，準備今日出發印度外景之旅之用。15位佳麗冇見兩日，個個精神狀態不錯，希望佢地好好keep住啦! 不過，整容傳聞仍然係沒完沒了。2號張莉莎被傳整容已經講咗好多日，今日報紙仍然死咬住佢唔放，繼續煲，似乎要挑戰讀者耐性。不過今日傳聞加咗傳佢隆胸，當時人例牌否認，並稱到港姐三點式泳衣上陣便可證真偽。而4號文凱玲則被指跟03年時樣貌相差甚遠，Connie當然亦否認，指只是化粧及影相角度問題，力證自己乃真材實料。

而被傳「斷背」既5號莊思明，被拍到跟其孖生家姐莊思華Mona及另一外籍男士於四季酒店晚膳，更不時以馬拉話交談，狀甚親密。被問到其他佳麗整容傳聞時，她謂：「我響化粧間見過佢地既素顏，個個樣貌都非常自然。」嘩，咁快就曉保護一班姊妹，要拎友誼小姐啦!

一眾佳麗狀態幾好，尤其係7同14號

5號莊思明呢個化粧同髮型好好多啦

莊思明力證好姊妹4號文凱玲(中)及2號張莉莎

素顏樣夠自然，絕無大執

其實自2008年開始，港姐大會已經與此眼鏡店合作，讓候選港姐自己揀選心水眼鏡或大陽眼鏡，憑佳麗品味選出「時尚目光獎」。過往均在活動場合即場頒發此獎，但今年似乎未有報道邊個係得獎者，唔通今年贊助商慳皮?

09年「時尚目光獎」得主熊穎詩

08年「時尚目光獎」得主梁雅琳

一眾08港姐候選佳麗玩得不亦樂乎

2010-06-04

港姐與六四

今日六四21周年，唔理幾多人轉呔，幾多人為六四辯護，發生咗既事就係發生咗，冇得否認。

其實港姐歷史都有同六四扯上少少關係架喎。1989年，即係六四發生當年，港姐冠軍陳法蓉在決賽被司儀問到如果香港都搞一個類似西班牙既奔牛節咁舉國參與既，佢會建議什麼節? Monica即刻答：「民主節啦，市民可以到馬場或公園跳舞，鍾意咩舞就咩舞，或者係一d中國既民族舞啦。」Monica真係識得將國情融入答案，時事觸角一百分!

其實決賽開場前，佈幕員講咗一句: 1989年，係香港人萬眾一心既一年..... blah blah blah, 但以下片段cut咗!

http://www.tudou.com/programs/view/XILV1yE87FQ/

另外一單關六四事既，就係1995年既港姐! 90年代初每年港姐決賽均在六月第一個星期日舉行，1995年港姐決賽日適逢六四，有團體在紅館門外示威，抗議TVB粉飾太平，而當日入場觀看既女星傅明憲，更被人影到拒絕收示威者宣傳單張，招人話柄! 而其實93-95年，港姐決賽均有人或團體在門外抗議。93年一中年漢不滿TVB節目質素，在門外企圖點火自焚。94年則有婦女團體，在門外抗議選美眨低女性及有如娼妓，更作咗一首歌諷刺一班港姐!!

95港姐三甲楊婉儀、李嘉慧、周婉儀有冇俾出面D人嚇親呀?

2010-06-03

6C1都讚今年港姐得!!

陸詩韻、何傲兒、陳爽、宋熙年昨日出席《香港航空樂優遊》記者會。何傲兒被問到有冇諗過做空姐，佢話：「有架，我覺得做空姐待人接物技巧好好。」她亦提到恨有外地艷遇：「我鍾意法國人，但驚溝通唔到，所以我為咗咁學法文達三年咁耐添!」嘩，呢個學language既reason真係好特別!

而同場既陸詩韻勁讚今年港姐可觀性甚高 (乜佢知道咗入圍名單喇咩?)! 而她跟TVB尚有一年合約，而家都慢慢幫手學打理父親的家族生意。

四位都係選美出身，擺pose冇難度

提起航空，唔知大家記唔記得八九十年代既國際航空小姐呢? 呢個選美主要係讓各大航空公司派出空姐代表參加，但選美規模不大，電視台亦未必會直播! 不過當中有幾位佳麗，之後都參加過港姐亞姐選美!

顧樂儀 - 1988港姐決賽大熱佳麗

羅霖 - 1991亞姐冠軍

陳綺明 - 1992亞姐最上鏡小姐、完美體態獎

周愛琳 - 1995港姐決賽佳麗

劉鳳儀 - 1997港姐決賽佳麗

(註: 各佳麗選航姐年份及所得獎項皆不詳，網上零資料，讀者如能提供資料實屬萬分感謝!)

2010-03-30

艷光閃爍顯才華

昨日開了一個題目問大家關於13號的才藝小姐，可能問得唔太好，以致各位誤以為我計埋「最具演藝潛質獎」，不過這也難怪，因為其中一位得獎佳麗郭可盈都係13號喎。

以TVB舉辦的港姐來計，要到86年才有首位才藝(又稱才華)小姐出現。當年無記更以「艷光閃爍顯才華」為口號，標榜會誕生一位才華小姐，而當屆決賽14位佳麗亦分成3組，以唱歌、舞蹈、及演戲來爭奪「才華小姐」獎項。亦因為方便決賽佳麗排練有關才藝項目，TVB亦將以往港姐準決賽及決賽只相隔一星期的慣例，延長至兩星期，果然非常重視!

而首位奪得此項殊榮既就係當年大熱13號吳婉芳，她除成為"歷史性"首位才華小姐外，亦兼得最上鏡小姐及亞軍，成為首位連中三元既港姐! May都算係港姐史上一個重要經典呀!

吳婉芳憑一首"長夜My Love Good Night"贏得全場

拍爛手掌，奪獎實至名歸。

吳婉芳其後加入樂壇，成績不俗，90年推出首張唱片，並囊

括各大傳媒主要新人獎，包括叱咤樂壇生力軍女歌手金獎，

"准我離開吧"、"煙花雪"、"難言再見"均為其首本名曲。May

其後退出樂壇，下嫁胡家驊做胡寶星新抱，做其少奶奶。

近排開左間麵包舖過下日晨。

事隔10年，無線再設Miss Talent獎項，今次取名「才藝小姐」，是次才藝項目分位四項，有演戲、唱歌、舞蹈、及口才。最後由當屆冠軍13號李珊珊以作狀表情演譯秀姑一幕戲奪得此獎。

李珊珊準決賽已經拎咗才藝小姐、最上鏡小姐、及

最受傳媒歡迎獎，真係由頭帶到尾

李珊珊之後星途實屬麻麻，以演戲奪獎既佢，拍TVB劇集時非常生硬，全無演技可言，一味嘟起個咀既表情更嚇怕唔少觀眾，故不久已甚少演出機會，其後憑與錢嘉樂一段情叫做 keep住見報。與錢分手後一直游手好閒，間唔中有明星足球隊新聞或一些廣告中見到佢，不過似乎佢幾enjoy做其紙上明星。

講到Talent，李珊珊既語言Talent就肯定零蛋，不過佢選環姐Interview環節有8.96分喎，令人嘖嘖稱奇!

到2002年，港姐又增設同類型獎項「卓越才藝小姐」，形式跟96年差唔多，最後得主為13號蔡潔雯，她以一身很有女人味既勁舞演譯蘇永康既「眉來眼去」奪得此獎。

Rubyanne沒有參與幕前演出，09年港姐招募時

曾出現過，現職為空姐

03年才藝小姐得主為18號既李詩韻，佢跳既中國舞散發古典美，但略嫌平凡，得獎算有少少爆冷。今年既才藝項目取消口才，改為功夫，要一眾佳麗粗魯對打又嗌又劈咁，實屬不雅。李詩韻雖以舞蹈奪獎，但演技不俗，惟欠上位機會，常徘徊二線中至尾角色，Selina加油呀!

李詩韻準決賽時爆冷奪最上鏡小姐及才華小姐，

在決賽時再下一城爆冷五強不入，真係Miss Pao Noun!

好喇，最後一位既13號才藝小姐係邊個呢? 呢個其實唔係好多人知 (亦冇乜人care)，佢就係2006年既冠軍13號陳茵媺喇! 當年呢個獎係在某商場內頒發，各佳麗表現自己既專長 (冇限制)，並由現場觀眾投票選出，結果由表演鋼琴既Aimee奪得! 嘩...... 唔好噓我呀!!

陳茵媺暫時演藝事業頗平坦，在「畢打自己人」中表現

備受讚賞，剪了一頭短髮既佢常飾演警花，得閒問下

陳鳳芝攞D意見囉!

2010-03-22

2010年香港小姐海外招募又開始喇

消息指TVB將於今日(22/3)中午12點在香港日航酒店舉行《2010年度香港小姐海外招募》，出席嘉賓除應屆5位港姐外，仲有楊思琦、陳倩揚、及胡諾言。就記招字面睇，似乎今年海外招募冇預香港先生份喎，唔知係港生今年只係唔搞海外招募，定係索性摺埋佢呢? 有待觀察!!

自從91年開始，無線每年都會在美國、加拿大、甚至澳洲、歐洲等地作海外招募，據當時港姐節目統籌吳雨透露，是因為有感香港再難發掘高質靚女，而轉向海外發掘。此舉初期頗見成效，好似第一年(91年)就已經選出由洛杉磯報名參選既準碩士生郭靄明當冠軍。其後很多大家熟悉既其實都係海外佳麗黎架。不過近幾年，海外佳麗質素甚為普通，反而本地薑抬頭，很多時海外佳麗風頭都被蓋過。一眾港姐Fans亦開始質疑是否仍需有海外招募呢個咁花錢又冇乜成效既「政策」存在。最經典莫過於08年，一眾本地佳麗質素甚為OK，唯獨是因為海外佳麗名額有兩個，所以連質素非常不濟既10號史苑殷都有幸入圍。其實以史小姐既質素，真係連本地港姐面試實錄落選嗰D都不如呀!

好，同大家介紹下歷年部份海外佳麗：

1991 郭靄明 (洛杉磯) ─ 冠軍/國際親小姐/談吐幽默獎