07夠好戲

近日07港姐亞軍王君馨在微博上傳了劇集的造型照，事有湊巧當中幾位女角都係同佢同屆出身的，包括近期在「缺宅男女」飾演刁婦一角而有極大迴響既黃智雯，及現改名為趙希洛既14號趙嘉迪Candice。

講開2007年港姐，最經典莫過於我地一行5位選美粉絲拉大隊入紅館現場睇騷，及同行友人在宣布張嘉兒入5名時驚叫一聲被狠狠的收錄於鏡頭下最為人津津樂道。講質素2007年實在係令人難以接受，但講到部份佳麗既演技，就不得不俾個讚!  當中尤以4號黃智雯Mandy最為突出，出道短短4年已經在多部電視劇擔當二線女主角，堪稱係近10年冒起得最快，幕前成績最好既落選港姐，部份著作包括「巴不得爸爸」飾演一名怕醜妹、「搜下留情」同羅仲謙一對，贏得"港版松隆子"美譽既鄭笑雯、「潛行狙擊」裡面既臥底、現正播放既「缺宅男女」裡飾演冇大冇細開口"目及"著脷既港婦、及即將推出既「On Call 36小時」裡面既見習醫生。相信過多幾年，黃智雯應該可以上到一線，有機挑戰師姐佘詩曼既成績添!

而另外我覺得兩位好戲既07港姐，就係1號麥皓兒同旅遊大使2號何傲兒。Joey Mak演技講真好過好多阿姐級花旦，好似入行13年都亳無進步既郭羨妮，奈何個樣爭咁啲，苦無機會上位。而何傲兒演技自然，在多部處境式喜劇均有發揮機會，但近期好似冇乜劇出，要加把勁先可以同黃智雯爭一日長短喇! 

咁其他佳麗又點呀?  14號趙嘉迪有拍下啲處境喜劇咁囉，但多屬閒角；5號鄭瑩瑩去收費電視兒童台教細路英數；6號王卉霖去咗講股；10號黃彥欣又係做下啲閒角咁囉。

三甲呢?  冠軍張嘉兒都係行行企企，主力出席所有宣傳港姐活動，及處理慧妍事務。亞軍王君馨主力做飲食及偶有劇集，聲氣仍然難頂!  季軍周美欣就完約後冇簽，返咗Vancouver一排，而家好似話簽咗香港經理人諗住出唱片喎!

2007年5強佳麗：4號黃智雯、9號王君馨、14號趙嘉迪

咦? 仲有其他演員都係選美出身喎!

左一06港姐季軍呂慧儀、左二08華姐冠軍朱璇、

右三04港姐亞軍朱慧敏

5000円上的郭藹明

嘩哈哈哈....... 真係好似



譚小環解約無線

94年港姐冠軍譚小環決定結束與TVB 17年賓主關係，主動解約!   由於TVB政策為先安排工作與親生子女，所以非親生女既佢慘遭冷待，但譚小環指明白呢個係商業決定，離開只係想有健康啲既生活同放多啲時間響屋企，而家最唔捨得反而係一班同事。

Halina擁有多項港姐經典紀錄；1. 唯一一位以1號奪冠既港姐 2. 未當選已經成為信和賣相皇后，人氣直逼四大天王及當紅姐仔 3. 首位競選時有粉絲拉Banner撐場的港姐 4. 星途起落幅度最大既港姐，初當選時人氣爆燈，更進軍樂壇，後因掛住拍拖，荒廢事業，早幾年更淪為三四線藝員，成發展最不理想既港姐冠軍!

Halina參選時氣質大方，總決賽更以接近完美之表現摘冠，惟之後派演角色多為倀雞及尖酸刻薄，與參選時確實大相逕庭。

經典泳裝照

歲月催人

2011港姐博客之選

估唔到隔離台阿FUN搞呢個MissHK Bloggers' Choice已經搞到第三年喇!  繼上年協辦後，今年我又好榮幸可以參與呢個咁有意義既活動!  不過呢個Fun博主好惡，下令我今晚要宣傳下，當然我作為協辦機構實在係義不容辭啦!

今年既選舉方式跟去年一樣，都係由十位主席評判加招募既客席評判一齊擔任。雖然話係有主客之分，不過我地既計分方式非常公平，每位評判既分數weighing一樣，冇話邊個佔重啲架!

如果你都想參與，不妨send個e-mail去mhkbloggerchoice@gmail.com報名參加啦，先到先得架!

曾志偉 + 候選港姐: 我地等緊你架!

漫畫港姐會係點?

近日在FB見到有人畫咗一幅港姐漫畫，幾靚架喎，想同大家分享下! 

作者: Choi Takui

幾有日本漫畫feel呢!  各位女仔加油喇!

祝大家兔年快樂!!

話咁快又一年喇，祝大家兔年快樂，日日都開開心心，樣樣順順利利。

當馬賽無到

近日Facebook港姐Page有位網友登了一張相，相信是08年港姐往馬來西亞作親善訪問時當地一些報章所報道的。相中該網友指住貼著三位港姐照片的壁報板，以英文打上三位的名字：Miss Hong Kong 2008 (Edelweiss Cheung)，1st runner up (Skye Chan)，2nd runner up (Sire Ma)，無咩唔妥，點知睇真啲......................

點解馬賽張相變咗高海寧既? 不過話時話，

呢個三甲組合我會鍾意多啲喎，起碼整體高啲啦!

惡頂的湯寶聲

TVB剛剛播完第一集旅遊特輯「紅葉瀛風」，由楊思琦、溫家偉、湯寶珍主持。一開始時接近約五鐘的簡介都由楊思琦聲演，都心知不妙，到正式介紹時湯寶珍把聲一出，嘩....  點解可以衰成咁架呢?  比選港姐時更惡頂，咬字唔正、懶音重重、時而扮嗲時而扮低B，點解一個成年人可以咁樣講野先?  而另外溫家偉都唔係好得去邊，礙於廣東話唔靈光，講野逐個字"DUN"出黎，惟有以sell body轉易視線!  思琦姐呢?  查實佢不嬲都以"自然作狀腔"講野，不過比起呢兩件蛋散，即刻順耳好多。

我在FB帶出呢個話題，話恰埋對眼"睇"呢個節目，會以為做緊卡通片，點知有個FRD回應: 「咁套卡通應該係講一個家姐帶兩個智障弟妹遊日本! 」哈當堂笑咗出黎!

其實講樣湯寶珍係唔差，TVB唔該搵人train train佢

講野啦，再係咁好趕客架

聖誕快樂

今日平安夜喇，真係眨下眼又一年，唔知大家今晚又約咗邊個一齊慶祝呢?  我就同往年一樣同一大班排球隊友去隊長屋企開Party，成班柴娃娃食下野玩下遊戲，又過一個聖誕!

原來港乜姐唔驚唔覺又開張咗一年，自從搞咗呢個blog之後其實收穫都唔少，認識咗唔少選美粉絲，又令我更投入follow港姐既news，真係好充實。好抱歉呢排真係少咗update，希望新一年可以投放多啲精神寫好個blog，等世界各地既讀者都可以有第一手港姐消息。

係度祝大家聖誕快樂，美貌與智慧新一年更加進步!

Zing光下之港姐

被喻為星級化粧師既Zing日前推出新書及慈善攝影展"The Most Beautiful Women in Hong Kong wear Zing"，多位殿堂級女星如王菲、劉嘉玲、及舒淇等均俾面出席其酒會中。講到Most Beautiful Women in HK，當然唔少得一些經典港姐，而Zing的影展中亦有3位港姐成為他的模特兒，透過獨特化粧將她們的美艷表現出來。

朱玲玲平時雍容華貴既一面大家見得多，

今次既形象有否為大家帶來驚喜呢?

鍾楚紅一對"青光眼"非常搶喎

電眼美人李美鳳今次沒有誇張既眼部化粧，

但有更誇既「飛碟」招牌髮型

又到中秋

一年容易又中秋，今日雖然仍然要返工，但係又有得放早聽日又放假，真係好有Holiday Mood呀! 不過今日天氣麻麻，應該見唔到個月光lu，不過可以同屋企人食餐飯打下牌，都覺得好開心呢! 最緊要團團圓圓嘛!

我TT響度祝大家中秋節快樂，人月兩團圓，勁食月餅都唔怕肥!   ^_^

嫦娥下凡呀!

真正扒

今日友人Fun跟我分享一個非常"有趣"的連結，是2009年日本世界小姐及國際小姐的網頁，當中有參賽佳麗的資料和"官方相"，一睇真係............. ，其實如果佢地係港姐參選佳麗，唔知香港傳媒會寫成點呢?  我諗淪陷都唔止呀!

部份頂癮佳麗:

闊面阿姐

大細眼Mixed?

選美版竹下佳江

馬面羅浩楷

哈囉喂版郭羨妮

茶餐廳阿四

真人版姆明

想完全感受驚嚇體驗，可到此連結 2009日本小姐

其實呢，我唔係想要故意取笑一班日姐，我只係想講大眾成日話港姐豬扒，我覺得其實真係唔算差，最多咪Plain，不致於係豬扒卦，相比其他national pageant，真正扒既大有人在，唔洗下下針到港姐咁"行"囉.....

號外: 串咀Barbie唔入港姐真正原因!!

就在宣布入圍名單翌日，FACE就出咗Barbie呢張驚人裸照作封面，大膽程度直逼當年麥家琪!  TVB彷彿知道有呢批相，所以忍痛割愛，實屬明智!!

鳴謝選美戰友Fun落街買呢本雜誌!!  (按: 其實只係影低封面)

是日追加: 入圍佳麗14名 (後加最後1個出現)

網上搵到其中14位入圍佳麗小圖，整體質素不俗，唯面試大熱串咀Barbie不在其內，好多人在forum大呼小叫，唔知道佢係咪第15位呢?  而之前報道有份既Jelly Girls成員張莎莉，唔見響裡面喎!!!!

14位佳麗如下：

唔除超官恩娜

港版蕭亞軒

07溫哥華華姐季軍 李俍燕

Sweet版鍾麗淇

張天愛提名 李文萱

直鼻郭可盈

漲爆王祖賢 張秀文

名模胞妹 莊思明

候選佳麗

候選佳麗

揮手蔡潔雯

海外佳麗 - 07溫哥華華姐1號馬鈞怡

海外佳麗

海外佳麗

再追加

原來張莉莎真係入咗，但因佢遲4粒鐘，之前記者影唔到相。

真無天理，Barbie唔入!!!!  TVB真係完全唔順應民意!!!

特稿: 15港姐部份名單出爐

太陽報剛於6月7日下午4時發表港姐即時新聞，15位2010年度香港小姐佳麗首次雲集電視城，一如所料莊思敏個妹莊思明，及張天愛提名既Elle李文萱均順利入圍，另外提及既包括「低胸Janice Man」Connie及Jelly Girls成員張莉莎，但面試大熱串咀Barbie同直鼻郭可盈等均未提及入圍與否。另外有3位海外佳麗。

何麗全稱今屆年紀最大佳麗為27歲，最細20歲。被問到張莉莎整容傳聞，他謂大會冇明文規定不准整容，但會勸喻佳麗少去夜店及不要吸煙。

慧妍雅集參與賑災

演藝界情繫玉樹關愛行動大匯演正在舉行，慧妍雅集一眾成員亦剛參與演出，演唱鄧麗君的"漫步人生路"。

出席成員有：
趙雅芝、莫可欣、王愛倫、樊亦敏、吳幸美、楊思琦、鄧上文、林詩慧、鄧源慧、袁彩雲、王君馨、朱凱婷、周家蔚、張嘉兒、周美欣、何傲兒、宋愛儀、周麗明  共18位

如有相片會上載

照片來源 ─ 周家蔚微博 (27/04/2010)

後排左起: 陳紫蓮 王愛倫 袁彩雲 關太?? 關景鴻 趙雅芝

黃錦燊 周麗明 鄧源慧 宋愛儀 周美欣 朱凱婷

前排左起: 王君馨 吳幸美 林詩慧 莫可欣 周家蔚

樊亦敏 楊思琦 何傲兒 張嘉兒

拎相機者: 鄧上文 (我估.... 哈)

相片來源: FB慧妍雅集fan page (27/04/2010)

演出片段

不過最重要大家響應呢個籌款活動，多多支持，捐款熱線: 1833288      SMS捐款: 508508

你是哪位香港小姐

TVB近日開始2010年港姐本地招募攻勢，宣傳部可能睇準Facebook多年青靚女用家，實行唔放過任何機會，自家製作"你是哪位香港小姐"Facebook Apps，讓一眾靚男靚女嘗嘗如果自己真係參選會似邊個歷屆港姐，過程相當過癮!

昨晚此Game才開始運作，己經吸引一眾港姐Fans密集式試玩，有友人測試結果為其喜歡港姐之一呂慧儀，頓時萬分雀躍；亦有身高一米八的友人的結果為李珊珊，幾準喎!  而一居住海外之友人不斷嘗試，惟測試結果多為亞軍如周嘉玲、李嘉慧、原子鏸等，她說做唔到冠軍唔罷休喎。而她亦說03亞軍楊洛婷親自玩此遊戲時，得出結果竟然為06亞軍周家蔚，真係吹佢唔漲!

而我又點呢?  哈哈哈

係李姿敏呀!!  可能我同一佢冇腰卦........   hahahah

大家有興趣可以按此玩玩 你是哪位香港小姐?

另外，TVB的官網亦列出幾項港姐冷知識，幾特別的：

1. 全香港邊區靚女多，九龍區的九龍塘、新界區的元朗及港島區的灣仔分別為報名期間得獎港姐的集中地。

2. 作為「世界最佳居住城市」首位的溫哥華，原來亦盛產得獎佳麗，自1986年有紀錄以來，便有7位得獎港姐來自溫哥華。

3. 最多得獎港姐的出生年份是1969年，共有8個；而在早一年(1968年)出生的得獎港姐卻是零，一個也沒有。

(有冇人估到第三題係哪8位港姐呢?)

華姐殺入金像獎

第廿九屆香港電影金像獎今晚揭盅，今屆由勢頭漸起既亞視奪得轉播權，並承諾足本播放，又有謝安琪作表演嘉賓，相信可以剃成日斬件播出備受惡評既無線一刀眼眉!

今屆罕有地有3位華姐出身既「佳麗」角逐兩個獎項，睇下佢地今晚成數有幾大?

99年華姐冠軍：葉璇 ─ 意外 (最佳女配角)

今屆大熱乃十月圍城既范冰冰同李宇春，相信葉璇今晚都係陪跑居多。

05年華姐亞軍：陳法拉 ─ Laughing Gor之變節 (最佳新演員)

陳法拉當選後星途一直不俗，其廣東話之進步神速於人好感，今次初當大銀幕，其演技備受讚賞，成今屆新演員大熱，且睇睇可唔可以步徐子珊後塵，連續第二年"TVB人"拎呢個獎

08年華姐冠軍：朱璇 ─ 淚王子 (最佳新演員)

朱璇可塑性甚高，但始終未能令觀眾留下深刻印象，加上此劇為國語片，獲獎未許樂觀

在此謹祝三位今晚醒醒定定，旗開得勝，攞唔到獎唔緊要，著得靚靚去參加呢個Party囉!

狄娜病逝

今早其實已見各大報章寫狄娜姐姐病危消息，到下午狄娜兒子馬天如證實狄娜於昨日早上11時10分已與世長辭，享年65歲。馬天如的信中提到母親遺言：「我母親已於 3月 31日上午 11時 10分逝世，母親臨走前曾說，刀槍能殺人，筆墨能救人，有了傳媒才能溝通，試想過去人類歷史，在未有傳媒時，社會多黑暗，認知多單薄，期望傳媒繼續有建設性的工作，秉持良知，社會因傳媒而進步，會懷念傳媒……我會一直向你揮手，以上是母親的說話。」

狄娜原名梁幗馨，1962年加入影圈，拍過多部大膽電影而成為一代前衛女性icon，其言詞有立場及大膽，有經歷過破產及身家過億，所以被傳媒冠以「奇女子」。

狄娜亦曾出現過多次選美活動並發表偉論，1975年在香港小姐競選上頒發首位最上鏡小姐時演說約5分鐘才宣布得獎佳麗，1985年在健美小姐上亦發表對健美的睇法。最近一次為擔當2006年香港小姐評判，跟司儀曾志偉等在台上妙語連珠。

感情方面，最轟動莫過於跟劉家傑及李志中的三角戀。無獨有偶，劉家傑及李志中均做過港姐司儀，前者做過1973-76，後者做過1978。

圖為狄娜擔任2006年港姐評判時與一眾佳麗及

其他評判攝於比賽後

劉家傑(上圖)及李志中，當時傳出轟動三角緋聞。後者更為狄娜仰藥自殺。

狄娜姐姐，永遠懷念你 (1945-2010)