久違了的李思林

李思林呢個名字大家可能陌生，但當提到佢個妹就係明歌星李玟(原名李美林)，大家必定恍然大悟。李思林92年跟其大家姐李秋林一齊選港姐，家姐拎最受佳麗歡迎獎，佢就入到最後12名。日前她出席Giorgio Armani的event時，竟然有記者認得及訪問佢，問到佢妹妹李玟幾時結婚，佢話細妹忙於演唱會綵排，所以短期內不會結婚，而她比妹妹更為心急，她亦表示妹妹在美國開騷時她會前去捧場。另外她表示自己已轉行，現從事風險管理工作，笑言自己只是一名OL。

唔知李思林係咪仲講緊D唐人街式廣東話呢?

顏子菲擺明搭上有婦之夫

現年24歲既08亞姐亞軍顏子菲，雖然樣貌甚省鏡，但仍然走唔出亞姐框框，當選後發展一直平平，知名度可謂冇乜。顏近日被拍到搭上亞視已婚導演謝松軒，顏近公然帶謝到其香閨留宿添。

本月2日顏被拍到與謝在其大埔亞視宿舍樓下，車停後先是顏下車，在司機位旁擾攘一番後，便陪同謝煲煙，然後雙雙前往顏寓所。記者之後訪問顏：「我見佢唔舒服先叫佢上黎抖下，有男人上黎都係唔方便既，不過姚佳雯冇投訴喎。」當記者展示拍下的相片時，她續說：「我知佢結咗婚，但我地都好鍾意對方，我本身睇婚姻唔係好重，最緊要大家開心。我冇要求佢離婚，但如果影響佢屋企人，我會尊重佢既最後決定。」她亦指唔知道會咁大件事，再三要求記者不要刊登相片。下?  唔知會咁大件事?  藝人喎!!!

而顏的表姑姐張衛健太太張茜，表示要急急了解情況才作評論。而同屆冠軍兼「同屋住」姚佳雯表示，她曾多次勸佢地避忌下，有時男方上黎屋企佢都會嚇一跳。佢亦暗寸顏突然富貴：「佢之前都呻過冇錢洗，依家就光鮮好多喇!」似乎好不屑咁喎!

顏子菲對此戀情直認不諱，夠直接!

真係細心，幫條仔撻火

顏子菲06年參加多倫多華裔小姐，敗給陳爽，

只得亞軍及最上鏡小姐，08年再戰亞姐，奪得

相同獎項，有冇咁轎呀?

王君馨信主得救

07年港姐亞軍王君馨，日前連同MC Jin, 鍾舒漫等基督徒藝人到馬灣「挪亞方舟」出席福音電影「1040」首映禮。原來王君馨剛信主一年，她說：「做藝人壓力好大，信主後改變咗好多，覺得好peaceful，唔會再盲目追求名利，有神依靠唔同哂。」

希望Grace繼續開開心心，帶多D美食俾觀眾啦。

Making a prayer?

應屆港姐機場接小胖

憑一曲「I Will Always Love You」熱爆既台灣新人王「小胖」林育群，日前應TVB邀請來港出席母親節節目。TVB昨日派出應屆三位港姐劉倩婷、李姿敏、熊穎詩到機場迎接呢位小旋風。

TVB死要送TVBuddy俾人，好靚咩?

苟芸慧想個妹選港姐

2010年香港小姐報名期接近尾聲，TVB例牌呢段時間又會嚟一舖最後出擊，出動一班港姐師姐去D商場推廣，而前日佢地成班就去咗尖沙咀海港城擺Show!  唔知TVB係咪見呢排苟芸慧見報多，連華姐出身既佢同陳爽都拉埋去做宣傳喎，廖碧兒鍾嘉欣等當紅華姐都未試過咁做架!

由於今年港姐放寬年齡限制同拎住三粒星身分證都可以參加，苟芸慧話都想推薦佢個妹參加：「佢身材仲勁過我，嗰樣cute d，好似日本妹，不過佢性格較天真，覺得唔需要用選美證明自己實力，所以我唔會勉強佢，遲D會同佢再傾下。」唔知佢個妹D廣東話噢唔噢畸架呢?

而今年港姐外景地點係印度，故此劉倩婷亦以一身印度Look出現，但性感程度卻不及同場既周美欣同陸詩韻。有記者笑稱冇乜料既周美欣卻以最性感Deep V打扮，她說：「我知我冇乜，我係走型格路線，好多model都係咁。」以陸詩韻則笑稱自己係中女，性感應留返俾新一代，並謂自己既緋聞唔多唔少都影響咗星途。其實葉翠翠會唔會有同感呢下?

漲咗D既Christine俾人話似鞏俐喎

劉倩婷印度Look，化黑少少似D

周美欣罕有性感，有咩唔識問下

熟手D既陸詩韻囉

劉倩婷望拍劇

楊秀惠同劉倩婷昨日以一身馬姐(馬來西亞小姐）打扮齊齊宣傳坡劇《小娘惹》。由於孫耀威剛承認與陳美詩拍拖，任司儀的金剛甫見楊即取笑她與孫耀威「分手」，而楊秀惠亦還擊自誇有不少男友，金剛即說：「點解你咁冇貞操觀念架！」，引得哄堂大笑。

而那邊廂即將卸任的劉倩婷被問到會否幫TVB拍劇時，她說：「自己都想拍劇，但而家忙住幫港姐招募宣傳，一切等公司安排啦。」非常心急喎!

不過劉小姐貴為歷屆港姐第三矮既冠軍，相信拍劇搵小生襯佢應該亳無難度啦! (王祖藍除外)

楊秀惠當年代表吉隆坡參選華姐，著民族

服裝冇難度!

慧妍雅集參與賑災

演藝界情繫玉樹關愛行動大匯演正在舉行，慧妍雅集一眾成員亦剛參與演出，演唱鄧麗君的"漫步人生路"。

出席成員有：
趙雅芝、莫可欣、王愛倫、樊亦敏、吳幸美、楊思琦、鄧上文、林詩慧、鄧源慧、袁彩雲、王君馨、朱凱婷、周家蔚、張嘉兒、周美欣、何傲兒、宋愛儀、周麗明  共18位

如有相片會上載

照片來源 ─ 周家蔚微博 (27/04/2010)

後排左起: 陳紫蓮 王愛倫 袁彩雲 關太?? 關景鴻 趙雅芝

黃錦燊 周麗明 鄧源慧 宋愛儀 周美欣 朱凱婷

前排左起: 王君馨 吳幸美 林詩慧 莫可欣 周家蔚

樊亦敏 楊思琦 何傲兒 張嘉兒

拎相機者: 鄧上文 (我估.... 哈)

相片來源: FB慧妍雅集fan page (27/04/2010)

演出片段

不過最重要大家響應呢個籌款活動，多多支持，捐款熱線: 1833288      SMS捐款: 508508

袁彩雲同娛樂圈Say Bye

96年港姐季軍袁彩雲，當選後在娛圈載浮載沉多年，從未擔正劇集既佢終於疊埋心水下月底返加拿大溫哥華長住。自去年嫁商人Anthony後，袁彩雲一直低調，原來最近她忙於為老公在加拿大將開設的餐廳搜尋中式食譜，她說：「老公唔會俾我幫手，因為嗰邊D人做生意係咁，股東女友或太太唔可以干預餐廳事務!」噢乜原來係咁架?

她亦指對放棄演藝事業有點不捨得：「不過見到劉曉彤做咗媽媽，搞到好想生小朋友，我同老公會努力！」。她亦提及希望好似朱玲玲咁推出慈善攝影展。

識講德文既Fiona，不妨考慮下在溫哥華教下德文，相信生意應該唔錯架!

Bon Voyage 一路順風喇!

你是哪位香港小姐

TVB近日開始2010年港姐本地招募攻勢，宣傳部可能睇準Facebook多年青靚女用家，實行唔放過任何機會，自家製作"你是哪位香港小姐"Facebook Apps，讓一眾靚男靚女嘗嘗如果自己真係參選會似邊個歷屆港姐，過程相當過癮!

昨晚此Game才開始運作，己經吸引一眾港姐Fans密集式試玩，有友人測試結果為其喜歡港姐之一呂慧儀，頓時萬分雀躍；亦有身高一米八的友人的結果為李珊珊，幾準喎!  而一居住海外之友人不斷嘗試，惟測試結果多為亞軍如周嘉玲、李嘉慧、原子鏸等，她說做唔到冠軍唔罷休喎。而她亦說03亞軍楊洛婷親自玩此遊戲時，得出結果竟然為06亞軍周家蔚，真係吹佢唔漲!

而我又點呢?  哈哈哈

係李姿敏呀!!  可能我同一佢冇腰卦........   hahahah

大家有興趣可以按此玩玩 你是哪位香港小姐?

另外，TVB的官網亦列出幾項港姐冷知識，幾特別的：

1. 全香港邊區靚女多，九龍區的九龍塘、新界區的元朗及港島區的灣仔分別為報名期間得獎港姐的集中地。

2. 作為「世界最佳居住城市」首位的溫哥華，原來亦盛產得獎佳麗，自1986年有紀錄以來，便有7位得獎港姐來自溫哥華。

3. 最多得獎港姐的出生年份是1969年，共有8個；而在早一年(1968年)出生的得獎港姐卻是零，一個也沒有。

(有冇人估到第三題係哪8位港姐呢?)

今屆港姐淪落到禮拜三做?

2010年度香港小姐本地招募昨日展開!  昨日記招歷屆十數位港姐"胸"群而出，當中尤以"咪神"高海寧同王君馨最為搶鏡，多份報章均以兩人"胸戰"作為焦點。王君馨例牌以"TVB試食官"身份作宣傳技倆：「呢排跟熾哥食好多新野，澳洲D牛奶好好飲，仲搞到我由34C變34D添，要換過哂D胸圍呀！」當然高海寧亦不甘示弱，堅稱自己真材實料冇加墊！長腳蟹呂慧儀則最慘，密密實實既佢坦言跟佢地兩個合影要心呼吸一下先得！

Koni呢張相靚呀，企中間好有冠軍風範呢!

何麗全透露今屆港姐總決賽暫定7月21日假邵氏影城以花生騷形式舉行。噢今年提早咗一個月舉行喎，似乎今年既集訓過程會縮短！喂，7月21日係星期三黎架喎!!!!!!  唔係呀嘛，一個大騷要淪落到星期三做?  即係同果D星期二檔案呀，蘇Good果D同Level架咋喎!!  Sigh........... 希望只係新聞稿出錯啦

另外可能鑑於去年只得10名參賽者，導致決賽嗰晚嚴重Under-run既關係，今年入圍佳麗亦回復之前的12位。何亦指可能參賽資格放寬關係，海外報名人數比往年多出三倍，真係要放長雙眼睇下今年有咩好既「海歸派」喇!!!

後排左起：

06季呂慧儀、08季馬賽、01冠楊思琦、08亞陳倩揚、07旅何傲兒、

08旅高海寧、07亞王君馨、07冠張嘉兒、05季林莉

前排 (09港姐)

國黃嘉麗、亞李姿敏、冠劉倩婷、季熊穎詩、鏡袁家敏

高海寧自言有一段時間無作性感打扮，......吓??

點呀Kayi個頭

何傲兒呢個Look同Pose好得!

講真，呂慧儀冇比下去喎