劉倩婷望拍劇

楊秀惠同劉倩婷昨日以一身馬姐(馬來西亞小姐）打扮齊齊宣傳坡劇《小娘惹》。由於孫耀威剛承認與陳美詩拍拖，任司儀的金剛甫見楊即取笑她與孫耀威「分手」，而楊秀惠亦還擊自誇有不少男友，金剛即說：「點解你咁冇貞操觀念架！」，引得哄堂大笑。

而那邊廂即將卸任的劉倩婷被問到會否幫TVB拍劇時，她說：「自己都想拍劇，但而家忙住幫港姐招募宣傳，一切等公司安排啦。」非常心急喎!

不過劉小姐貴為歷屆港姐第三矮既冠軍，相信拍劇搵小生襯佢應該亳無難度啦! (王祖藍除外)

楊秀惠當年代表吉隆坡參選華姐，著民族

服裝冇難度!

慧妍雅集參與賑災

演藝界情繫玉樹關愛行動大匯演正在舉行，慧妍雅集一眾成員亦剛參與演出，演唱鄧麗君的"漫步人生路"。

出席成員有：
趙雅芝、莫可欣、王愛倫、樊亦敏、吳幸美、楊思琦、鄧上文、林詩慧、鄧源慧、袁彩雲、王君馨、朱凱婷、周家蔚、張嘉兒、周美欣、何傲兒、宋愛儀、周麗明  共18位

如有相片會上載

照片來源 ─ 周家蔚微博 (27/04/2010)

後排左起: 陳紫蓮 王愛倫 袁彩雲 關太?? 關景鴻 趙雅芝

黃錦燊 周麗明 鄧源慧 宋愛儀 周美欣 朱凱婷

前排左起: 王君馨 吳幸美 林詩慧 莫可欣 周家蔚

樊亦敏 楊思琦 何傲兒 張嘉兒

拎相機者: 鄧上文 (我估.... 哈)

相片來源: FB慧妍雅集fan page (27/04/2010)

演出片段

不過最重要大家響應呢個籌款活動，多多支持，捐款熱線: 1833288      SMS捐款: 508508

袁彩雲同娛樂圈Say Bye

96年港姐季軍袁彩雲，當選後在娛圈載浮載沉多年，從未擔正劇集既佢終於疊埋心水下月底返加拿大溫哥華長住。自去年嫁商人Anthony後，袁彩雲一直低調，原來最近她忙於為老公在加拿大將開設的餐廳搜尋中式食譜，她說：「老公唔會俾我幫手，因為嗰邊D人做生意係咁，股東女友或太太唔可以干預餐廳事務!」噢乜原來係咁架?

她亦指對放棄演藝事業有點不捨得：「不過見到劉曉彤做咗媽媽，搞到好想生小朋友，我同老公會努力！」。她亦提及希望好似朱玲玲咁推出慈善攝影展。

識講德文既Fiona，不妨考慮下在溫哥華教下德文，相信生意應該唔錯架!

Bon Voyage 一路順風喇!

你是哪位香港小姐

TVB近日開始2010年港姐本地招募攻勢，宣傳部可能睇準Facebook多年青靚女用家，實行唔放過任何機會，自家製作"你是哪位香港小姐"Facebook Apps，讓一眾靚男靚女嘗嘗如果自己真係參選會似邊個歷屆港姐，過程相當過癮!

昨晚此Game才開始運作，己經吸引一眾港姐Fans密集式試玩，有友人測試結果為其喜歡港姐之一呂慧儀，頓時萬分雀躍；亦有身高一米八的友人的結果為李珊珊，幾準喎!  而一居住海外之友人不斷嘗試，惟測試結果多為亞軍如周嘉玲、李嘉慧、原子鏸等，她說做唔到冠軍唔罷休喎。而她亦說03亞軍楊洛婷親自玩此遊戲時，得出結果竟然為06亞軍周家蔚，真係吹佢唔漲!

而我又點呢?  哈哈哈

係李姿敏呀!!  可能我同一佢冇腰卦........   hahahah

大家有興趣可以按此玩玩 你是哪位香港小姐?

另外，TVB的官網亦列出幾項港姐冷知識，幾特別的：

1. 全香港邊區靚女多，九龍區的九龍塘、新界區的元朗及港島區的灣仔分別為報名期間得獎港姐的集中地。

2. 作為「世界最佳居住城市」首位的溫哥華，原來亦盛產得獎佳麗，自1986年有紀錄以來，便有7位得獎港姐來自溫哥華。

3. 最多得獎港姐的出生年份是1969年，共有8個；而在早一年(1968年)出生的得獎港姐卻是零，一個也沒有。

(有冇人估到第三題係哪8位港姐呢?)

今屆港姐淪落到禮拜三做?

2010年度香港小姐本地招募昨日展開!  昨日記招歷屆十數位港姐"胸"群而出，當中尤以"咪神"高海寧同王君馨最為搶鏡，多份報章均以兩人"胸戰"作為焦點。王君馨例牌以"TVB試食官"身份作宣傳技倆：「呢排跟熾哥食好多新野，澳洲D牛奶好好飲，仲搞到我由34C變34D添，要換過哂D胸圍呀！」當然高海寧亦不甘示弱，堅稱自己真材實料冇加墊！長腳蟹呂慧儀則最慘，密密實實既佢坦言跟佢地兩個合影要心呼吸一下先得！

Koni呢張相靚呀，企中間好有冠軍風範呢!

何麗全透露今屆港姐總決賽暫定7月21日假邵氏影城以花生騷形式舉行。噢今年提早咗一個月舉行喎，似乎今年既集訓過程會縮短！喂，7月21日係星期三黎架喎!!!!!!  唔係呀嘛，一個大騷要淪落到星期三做?  即係同果D星期二檔案呀，蘇Good果D同Level架咋喎!!  Sigh........... 希望只係新聞稿出錯啦

另外可能鑑於去年只得10名參賽者，導致決賽嗰晚嚴重Under-run既關係，今年入圍佳麗亦回復之前的12位。何亦指可能參賽資格放寬關係，海外報名人數比往年多出三倍，真係要放長雙眼睇下今年有咩好既「海歸派」喇!!!

後排左起：

06季呂慧儀、08季馬賽、01冠楊思琦、08亞陳倩揚、07旅何傲兒、

08旅高海寧、07亞王君馨、07冠張嘉兒、05季林莉

前排 (09港姐)

國黃嘉麗、亞李姿敏、冠劉倩婷、季熊穎詩、鏡袁家敏

高海寧自言有一段時間無作性感打扮，......吓??

點呀Kayi個頭

何傲兒呢個Look同Pose好得!

講真，呂慧儀冇比下去喎

華姐殺入金像獎

第廿九屆香港電影金像獎今晚揭盅，今屆由勢頭漸起既亞視奪得轉播權，並承諾足本播放，又有謝安琪作表演嘉賓，相信可以剃成日斬件播出備受惡評既無線一刀眼眉!

今屆罕有地有3位華姐出身既「佳麗」角逐兩個獎項，睇下佢地今晚成數有幾大?

99年華姐冠軍：葉璇 ─ 意外 (最佳女配角)

今屆大熱乃十月圍城既范冰冰同李宇春，相信葉璇今晚都係陪跑居多。

05年華姐亞軍：陳法拉 ─ Laughing Gor之變節 (最佳新演員)

陳法拉當選後星途一直不俗，其廣東話之進步神速於人好感，今次初當大銀幕，其演技備受讚賞，成今屆新演員大熱，且睇睇可唔可以步徐子珊後塵，連續第二年"TVB人"拎呢個獎

08年華姐冠軍：朱璇 ─ 淚王子 (最佳新演員)

朱璇可塑性甚高，但始終未能令觀眾留下深刻印象，加上此劇為國語片，獲獎未許樂觀

在此謹祝三位今晚醒醒定定，旗開得勝，攞唔到獎唔緊要，著得靚靚去參加呢個Party囉!

朱慧敏係電腦白痴

太陽報今期專訪04亞軍朱慧敏，當中提到平時常演能幹女強人既Queenie，原來係電腦盲!!

Queenie不單止對近期非常流行既「微博」聞所未聞，而且對面世多年既IPOD亦無從入手，她說：「我到而家都唔識點入D歌落去個IPOD度，我比較鍾意聽唱片既感覺，聽完隻CD要入返落盒果D呢。」原來佢亦鍾情舊野：「我等埋位時鍾意睇書，亦都鍾意收藏舊書，鍾意見到D紙發黃，諗番起細個嗰陣既野。」

Queenie亦自爆選港姐係想藉此加入娛圈，而16歲時亦因身型高眺，而被邀做Model，不過當時佢拒絕咗個offer，走咗去美國讀書：「我唔想俾人感覺讀書唔成先去做Model，我而家都冇後悔呢個決定。」

估唔到外表咁modern既Queenie，竟然唔多識電腦野，雖則話愛懷舊冇咩唔啱，但而家個個明星都鍾意網上宣傳自己，Queenie識少一瓣會好執輸架!  見得閒咪去報讀下D電腦課程充實下囉!

朱慧敏擺pose一流，電腦九流

同屆冠軍徐子珊歌影視三棲，季軍符思思早兩年在

新加坡結婚，朱慧敏則仍徘徊三線角色!

郭羨妮與馬仔冰釋前嫌

99年港姐冠軍郭羨妮，幾乎拍親套套劇都會同男主角傳出緋聞，其中之一既馬浚偉馬仔更因為咁同Sonija面左左達10年之久。不過呢對冤家原來已經冰釋前嫌!

原來佢地上個月一齊去新加坡登台，第一次坐低傾番呢件事，發覺原來當時有小人挑撥離間，搞到嬲咗大家，不過而家已經分解咗呢個10年誤會，而家做返好朋友。問到會否再有發展機會，馬仔說：『咁一定有好感先做到朋友，不過嗰件事發生咗後好似一盤冷水淋落嚟，而家我地係好朋友，佢仲成日問我幾時結婚。

郭羨妮曾幾何時被喻為近代港姐最省鏡一位，

奈何情路翻波，希望佢真係可以快D搵返個真命天子啦!

只出現過一次既Sub港姐選美 ─ 環球小姐香港區選拔賽

時為1987年，因當年環球小姐由過往既7-8月舉行提前至5月，1986年港姐冠軍李美珊已參加了1986的環姐，而1987年港姐仍未選出，故此TVB特登舉行一個環球小姐香港區選拔賽，選出一位香港代表參加在新加坡舉行的環姐。當年TVB為咗幫歡樂今宵5000次造勢，更安排是次比賽在此節目中舉行!

當年原本有12位佳麗角逐，後來1位佳麗退出，故此最後只有11位在台上。聽一些選美專家講當年此選美令市民有些混淆，誤以為是港姐一部份，更有一些女仔以為係87年港姐招募而報名，當中包括最後有參選87港姐並落選的12號鄭維嘉，她在TVB都做過多年四五線演員。

參選佳麗芳名如下：
1) 鄭美瑜
2) 彭笑梅
3) 唐杏元
4) 鍾淑慧
5) 李逸芬
6) 李麗芳
7) (退出)
8) 孫莉娜
9) 殷麗影
10) 陳曼莉
11) 梁靜雯
12) 馮玉兒


11位佳麗，其實有好幾位都頗驚嚇，所以唔好話以前選美既就一定靚呀! 不過都可能因為咁，87年真正港姐既質素係歷年數一數二喎!

是次比賽既冠軍為4號鍾淑慧，佢同時兼得「最具氣質獎」。鍾淑慧其後在無線及電影圈發展，參與過多部三級片演出，後嫁演員吳岱融。三強分別還有10號陳曼莉及12號馮玉兒，陳曼莉亦係92年既國際華裔小姐冠軍，代表多倫多。當時亦有觀眾替2號彭笑梅不入三甲不值。

睇睇冠軍鍾淑慧當年對答


三強跟張學友演出環節


驚嚇佳麗之首 ─ 3號唐杏元之對答

懵下懵下選錯美既鄭維嘉，最後都報番87港姐，

以佢一堂粗眉，入選先奇

狄娜病逝

今早其實已見各大報章寫狄娜姐姐病危消息，到下午狄娜兒子馬天如證實狄娜於昨日早上11時10分已與世長辭，享年65歲。馬天如的信中提到母親遺言：「我母親已於 3月 31日上午 11時 10分逝世，母親臨走前曾說，刀槍能殺人，筆墨能救人，有了傳媒才能溝通，試想過去人類歷史，在未有傳媒時，社會多黑暗，認知多單薄，期望傳媒繼續有建設性的工作，秉持良知，社會因傳媒而進步，會懷念傳媒……我會一直向你揮手，以上是母親的說話。」

狄娜原名梁幗馨，1962年加入影圈，拍過多部大膽電影而成為一代前衛女性icon，其言詞有立場及大膽，有經歷過破產及身家過億，所以被傳媒冠以「奇女子」。

狄娜亦曾出現過多次選美活動並發表偉論，1975年在香港小姐競選上頒發首位最上鏡小姐時演說約5分鐘才宣布得獎佳麗，1985年在健美小姐上亦發表對健美的睇法。最近一次為擔當2006年香港小姐評判，跟司儀曾志偉等在台上妙語連珠。

感情方面，最轟動莫過於跟劉家傑及李志中的三角戀。無獨有偶，劉家傑及李志中均做過港姐司儀，前者做過1973-76，後者做過1978。

圖為狄娜擔任2006年港姐評判時與一眾佳麗及

其他評判攝於比賽後

劉家傑(上圖)及李志中，當時傳出轟動三角緋聞。後者更為狄娜仰藥自殺。

狄娜姐姐，永遠懷念你 (1945-2010)

梁麗瑩以死相勸阿媽

2004年港姐11號佳麗梁麗瑩(Heavenly)，今日躍登蘋果日報A1頭版做新聞女王。據報道說梁麗瑩母親多年前被騙20萬後一直情緒憂鬱，前日Heavenly再次勸阻母親不要再胡亂服藥時，懷疑一時情緒激動，狂吞多粒藥丸。梁父見狀後送她入院，幸現無大礙。

Heavenly昨現身醫院，她向記者說：「之前一晚因為母親既事已經瞓唔到，我只想好好咁瞓一晚，可能食d藥溝雜咗，所以頭暈暈。」她續說：「話極佢都唔聽，係有d意氣用事囉，我真係唔係自殺，醫生話我冇事，叫我唔好一次過食幾隻藥。」

Heavenly原本英文名為Devily，因覺得Devil(魔鬼)太負面，所以年前改名為Heavenly (無言.....)。她03年選TVB Cover Girl得季軍，04年選港姐，8強也不入，當屆冠軍為徐子珊(蘋果寫係曹敏莉，又錯)。Heavenly落選後2005年在劇集「開心賓館」擔當一個戲份頗重的角色，其演技亦不錯，惟之後無而為繼，常當一些四五線角色，實在可惜。

梁麗瑩現身醫院，驟眼睇以為衛詩去驗毒添

Heavenly選2004港姐時官方照