華姐殺入金像獎

第廿九屆香港電影金像獎今晚揭盅，今屆由勢頭漸起既亞視奪得轉播權，並承諾足本播放，又有謝安琪作表演嘉賓，相信可以剃成日斬件播出備受惡評既無線一刀眼眉!

今屆罕有地有3位華姐出身既「佳麗」角逐兩個獎項，睇下佢地今晚成數有幾大?

99年華姐冠軍：葉璇 ─ 意外 (最佳女配角)

今屆大熱乃十月圍城既范冰冰同李宇春，相信葉璇今晚都係陪跑居多。

05年華姐亞軍：陳法拉 ─ Laughing Gor之變節 (最佳新演員)

陳法拉當選後星途一直不俗，其廣東話之進步神速於人好感，今次初當大銀幕，其演技備受讚賞，成今屆新演員大熱，且睇睇可唔可以步徐子珊後塵，連續第二年"TVB人"拎呢個獎

08年華姐冠軍：朱璇 ─ 淚王子 (最佳新演員)

朱璇可塑性甚高，但始終未能令觀眾留下深刻印象，加上此劇為國語片，獲獎未許樂觀

在此謹祝三位今晚醒醒定定，旗開得勝，攞唔到獎唔緊要，著得靚靚去參加呢個Party囉!