當年原本有12位佳麗角逐，後來1位佳麗退出，故此最後只有11位在台上。聽一些選美專家講當年此選美令市民有些混淆，誤以為是港姐一部份，更有一些女仔以為係87年港姐招募而報名，當中包括最後有參選87港姐並落選的12號鄭維嘉，她在TVB都做過多年四五線演員。
參選佳麗芳名如下：
1) 鄭美瑜
2) 彭笑梅
3) 唐杏元
4) 鍾淑慧
5) 李逸芬
6) 李麗芳
7) (退出)
8) 孫莉娜
9) 殷麗影
10) 陳曼莉
11) 梁靜雯
12) 馮玉兒
11位佳麗，其實有好幾位都頗驚嚇，所以唔好話以前選美既就一定靚呀! 不過都可能因為咁，87年真正港姐既質素係歷年數一數二喎!
是次比賽既冠軍為4號鍾淑慧，佢同時兼得「最具氣質獎」。鍾淑慧其後在無線及電影圈發展，參與過多部三級片演出，後嫁演員吳岱融。三強分別還有10號陳曼莉及12號馮玉兒，陳曼莉亦係92年既國際華裔小姐冠軍，代表多倫多。當時亦有觀眾替2號彭笑梅不入三甲不值。
睇睇冠軍鍾淑慧當年對答
三強跟張學友演出環節
驚嚇佳麗之首 ─ 3號唐杏元之對答
懵下懵下選錯美既鄭維嘉，最後都報番87港姐，
以佢一堂粗眉，入選先奇
13 則留言:
呢個鄭維嘉，你提我真係有印象，在無記都係做D二打六角色，不過，有個好深印象，記得個時的《金曲挑戰站》，佢拍過一隊樂隊的MV，佢扮演女鐵騎士，都幾型
講到粗眉，大約從1983年到1996年間是香港女孩子的標準化妝形象之一，是那時代的潮流。
所以當時女孩子有對天生粗眉，化妝費慳不少哩！比如黎姿。
當年電視台的一眾年輕女演員，即使並非天生粗眉都要化成「有流線角度的平行四邊型」以示 update。
柳葉眉何時重新流行？應該是日本的安室內美惠出道之後的事。
有網民評論過, 以鍾淑慧當時在電視的表演, 水準不差. 可惜後來攪到去拍三級片 (一是鍾淑慧在電視發展一般, 二是吳岱融得罪了無線) 還要兩公婆一同上陣 (不知道是不是同場). 愛情力量如此驚人? 還是該煨?
原來係興粗眉既? 不過鄭維嘉個粗眉真係寧捨粗, 粗到好怪, 佢semi-final堂眉仲粗過呢張相好多添, 又生得埋, 接近一眉道姑咁樣
鍾淑慧響TVB係較難搵拍檔, 因佢太高喇。我其實都參與唔少電影演出，不過都唔係主角, 做主角果幾套就係3級片囉....
呢個選拔賽真係超求其，啲女嘅質素就更加唔駛講..
鍾淑慧算係唯一有被傳媒報導嘅佳麗嚟，其實嗰啲全部被ignored..
btw鍾淑慧當年選環姐喺泳裝初賽排21，成績相當好架~
當年睇鍾淑慧表現都OK。
叉開話題，當年佢拍三級片時，有一套叫《奪命接觸》，係佢同歐陽震華飾演夫婦，吳岱融係客串一幕，做那個愛滋病末期病人，呢套戲以前有線電影台都播過。歐陽震華有一幕同一個似TOM BOY的未成年少女性接觸後而感染AIDS，嘩，當時諗，這個女仔樣子勁核突，點解歐陽震華都啱???
果位唐杏元真係極品...
唐杏元係極品之中的極品，真係風雨不改，迄立不倒啊
笑死左.... 哈!
唐杏元o岩晒去選亞姐~
睇下以前 tvb 幾重視環姐, 派唔到都專登搞個 miss hk universe 出黎, 宜家..唉..
我是佢七叔的好友，好想揾返他们
唉！
張貼留言