2010-05-01

苟芸慧想個妹選港姐

2010年香港小姐報名期接近尾聲,TVB例牌呢段時間又會嚟一舖最後出擊,出動一班港姐師姐去D商場推廣,而前日佢地成班就去咗尖沙咀海港城擺Show!  唔知TVB係咪見呢排苟芸慧見報多,連華姐出身既佢同陳爽都拉埋去做宣傳喎,廖碧兒鍾嘉欣等當紅華姐都未試過咁做架!

由於今年港姐放寬年齡限制同拎住三粒星身分證都可以參加,苟芸慧話都想推薦佢個妹參加:「佢身材仲勁過我,嗰樣cute d,好似日本妹,不過佢性格較天真,覺得唔需要用選美證明自己實力,所以我唔會勉強佢,遲D會同佢再傾下。」唔知佢個妹D廣東話噢唔噢畸架呢?

而今年港姐外景地點係印度,故此劉倩婷亦以一身印度Look出現,但性感程度卻不及同場既周美欣同陸詩韻。有記者笑稱冇乜料既周美欣卻以最性感Deep V打扮,她說:「我知我冇乜,我係走型格路線,好多model都係咁。」以陸詩韻則笑稱自己係中女,性感應留返俾新一代,並謂自己既緋聞唔多唔少都影響咗星途。其實葉翠翠會唔會有同感呢下?

漲咗D既Christine俾人話似鞏俐喎
劉倩婷印度Look,化黑少少似D
周美欣罕有性感,有咩唔識問下
熟手D既陸詩韻囉

5 則留言:

狂徒誌 提到...

苟芸慧個D唔咸唔淡的廣東話,聽落都幾夠親切

Fun 提到...

會唔會搵啱啱出爐嘅印度小姐亮下相咁呢?!

TT震講乜啫 提到...

@狂徒誌: 佢學廣東話都幾有進步, 不過咁多個黎講以陳法拉學得最好

@Fun: 咁到時要搵下Agnes幫手講下印度!

Marco 提到...

苟芸慧真係掂!

TT震講乜啫 提到...

掂啦, 超哂班!