其實港姐歷史都有同六四扯上少少關係架喎。1989年，即係六四發生當年，港姐冠軍陳法蓉在決賽被司儀問到如果香港都搞一個類似西班牙既奔牛節咁舉國參與既，佢會建議什麼節? Monica即刻答：「民主節啦，市民可以到馬場或公園跳舞，鍾意咩舞就咩舞，或者係一d中國既民族舞啦。」Monica真係識得將國情融入答案，時事觸角一百分!
其實決賽開場前，佈幕員講咗一句: 1989年，係香港人萬眾一心既一年..... blah blah blah, 但以下片段cut咗!
http://www.tudou.com/programs/view/XILV1yE87FQ/
另外一單關六四事既，就係1995年既港姐! 90年代初每年港姐決賽均在六月第一個星期日舉行，1995年港姐決賽日適逢六四，有團體在紅館門外示威，抗議TVB粉飾太平，而當日入場觀看既女星傅明憲，更被人影到拒絕收示威者宣傳單張，招人話柄! 而其實93-95年，港姐決賽均有人或團體在門外抗議。93年一中年漢不滿TVB節目質素，在門外企圖點火自焚。94年則有婦女團體，在門外抗議選美眨低女性及有如娼妓，更作咗一首歌諷刺一班港姐!!
95港姐三甲楊婉儀、李嘉慧、周婉儀有冇俾出面D人嚇親呀?
3 則留言:
咁激，要引火自焚，我記得1986年那一屆，有班衛道之士話要去踩場，點知個日一個人都無
阿司儀有講冠亞季軍都去參加外國選美~ 每人都有兩轉~ 都幾勁~
@狂徒: 86年真係唔知有單咁既事添
@Ogake: 80年代宣布時通常都會講冠亞季軍會去咩比賽, 但真係89年就特別多, 冠軍3個亞季軍2個, 不過最後佢地都冇去哂, 好似陳法蓉係冇去世姐, 俾咗亞視翁虹去, 慘!!
張貼留言