2010-11-08

華姐俏俏落幕

2010年既國際中華小姐終於誕生,由於賽事係非直播關係,所以我都忍足1日唔上網,希望唔好事先知道賽果咁無癮,我又竟然做得到喎,真係服咗自己。

大眾對華姐既關注度接近零,估唔到我都唔係好得去邊,轉播當晚竟然出現邊打麻雀邊觀看的情況,實在是近年收睇港姐/華姐的第一次,呢個選美吸引度去到咁真係令人無話可說。

今年華姐又偏向中國傳古典美形式,由宣傳片以至外景片段均用古裝,我就真係唔多buy,因為一採用呢種方式,多數悶爆。一如所料,整個賽事都係沉悶無奇。賽制以24選12,12選6,6選3,然後宣布冠亞季方法,其實每次篩選後都冇乜特別比賽環節 (除第一次外),真係無謂搞咁多野,港姐時已經係咁啦!  而且宣布時對疊兩組的佳麗,高下立見,刺激性可謂大減。

12強名單 (依宣布時序):
18 張慧雯 (多倫多)
10 王美艷 (墨爾本)
19 岑麗香 (溫哥華)
16 陸曼 (悉尼)
6 陳庭欣 (香港)
22 劉婕 (河南)
2 陳心慰 (阿姆斯特丹)
12 張聖女 (紐約)
7 陳美妤 (吉隆坡)
11 陳美詩 (蒙特利爾)
5 白鷺 (佛山)
1 張滿 (奧克蘭)

之後到問答環節,其實各佳麗答問題都幾得體,冇乜邊個出事,當然亦唔會有什麼爆笑驚人語錄啦!

最後六強:
18, 7, 1, 6, 19, 5

最後三強:
18, 7, 19

大家有冇發現,每次淘汰都係叫18號出黎先架呢?  係咪因為佢係大熱,叫咗佢先咁之後既宣布會更緊張呢?

一宣布三強後,便立即宣布季軍,都話每次淘汰都叫18號先,今次都唔例外,所以季軍就係18號既張慧雯喇!

季軍: 18號張慧雯 (多倫多)

台上只剩兩強7&19,首先兩位佳麗拉票,7號陳美妤講得係唔錯既,但略嫌太rehearsed同好"行",穩穩陣陣咁囉。反而19號岑麗香夠真情流露,又話自己當初選美俾人潑冷水話佢廣東話唔掂,但用咗一年時間係咁學廣東話,仲喊住口叫所有女仔唔好放棄自己既夢想,我睇到都好感動,亦都覺得評判會選呢啲女仔!  最後各評判以投票方式選出冠軍,成個過程有啲似抄Miss Astro Chinese 2009咁,而當年陳美妤亦都係參賽者,唔知呢個票選方式係咪佢提議俾TVB架呢?

當然一如所料,岑麗香以4票對1票,擊敗陳美妤登上2010國際中華小姐寶座!

亞軍: 7號 陳美妤 (吉隆坡)

冠軍: 19號 岑麗香 (溫哥華)

2010國際中華小姐三甲

4 則留言:

robocon 提到...

我都係一邊做gym一邊睇,整個製作真的很hea, 服裝很老套, 尤其頂唔順第一組佳麗的 "亞婆" 式古裝衫.

KK 提到...

好悶。其實選唔選都罷,TVB咁鍾意模仿同抄襲,不如抄個Top Model 之類嘅比賽重好啦。但係我諗TVB淨係要藝員,唔要model

TT 提到...

@Robocon: 係呀, 所以都真係冇乜留意, 如果我係特登為咗呢個pageant約班朋友上屋企睇, 就真係唔抵呀!

@KK: 最慘TVB就算抄, 都抄得衰過人呢 :(

Matt 提到...

How Kuala Lumpur made final 3 was beyond me. Liked Foshan and Sydney after watching the playback.

Hong Kong shouldn't even make final 6.