2010-11-30

亞姐驚現爛面佳麗

眨下眼又到11月最後一日喇,明日又到一年最開心的一個月 - 12月。話時話,2010既選美賽事都搞得七七八八,而亞姐決賽亦會於本週日晚(12月5日)舉行!  剛過去的星期日TVB播出「天天天晴」同「義海豪情」既大結局,搞到亞視嗰邊慘食"零收視",情況令人痛心。今個星期到亞姐迎戰TVB既頒獎禮,情況更未許樂觀,不過希望亞姐都有三四點收視,不致於慘過做"神功戲" (做俾鬼睇)啦!

亞姐雖然長期處於劣勢,但有時其騎呢風格亦令人爭唔落,繼早前澳洲佳麗無啦啦退出之後,ATV又有新招,在合肥拍外景時突然加多一位"合肥代表"21號殷媁,其參賽時間只有一星期,實屬謊謬之極! 而各佳麗亦視紀律如無物,港澳賽時"寸咀芭比"已可連缺席活動5次,而到正式競選期間,全體佳麗可以齊人出席的活動亦寥寥可數,就算現在全體佳麗上了合肥拍外景,在昨日泳裝外景拍攝仍可有3位佳麗缺席。風頭躉11號權潓珠話胃痛因病缺席冇得好講,但14號貝安琪同16號何婭萌亦因事缺席,唔通佢地在合肥都有大把人要見,唔得閒參加拍攝?

9號邱淑芬左邊面爛哂,幾多粉都冚唔到

8號維他芝斯寶華骨肉相稱,good fit啦

11號權潓珠到下午晚裝環節先胃痛完現身

21號新血殷媁好多謝亞視俾1個星期佢積極備戰

最後想講下,上星期日同朋友竹戰時,因有朋友愛賭馬,所以轉睇亞視的賽馬節目。ATV宣傳亞姐好落力喎,基本上每個廣告時段都有亞姐消息,但宣傳手法cheap到冇朋友,譬如介紹各佳麗宣傳片時,會加插一四字成語形容佳麗,當中有些十分過火,好似"性感尤物1號xxx"、"名眸女神2號xxx"、"熱情如火3號xxx",而螢幕中佳麗則騷首弄姿亂撥頭髮,感覺猶如深夜宣傳易某夜總會介紹啲女,唉........................... >_<

3 則留言:

匿名 提到...

傳聞「內定亞軍」16號天津佳麗何婭萌亦退選了!

TT 提到...

下? 其實點解可以退得咁求其! 係咪啲女仔不滿ATV既安排?

robocon 提到...

亞視真係騎呢到無朋友...今次亞姐好似好多宣傳,但選舉制度確兒戲確兒戲,同埋手法好cheap lor!