奇怪的企位問題 (續)

嘩，估唔到港乜姐都會受到雜誌青睞，上咗雜誌一則小八卦新聞喎!  今期Face提起莊思明造馬，quote咗我質疑佢企位既問，並特登搵陸詩韻求證，佢話：「係呀，當年我地係跟足TVB指引企既，亞軍企冠軍右手面，季軍企左手面，咁第4位得獎者就企係季軍隔離囉!」而記者亦登了我post既08照片，話其實高海寧企錯。

不過陸詩韻唔知係咪5年前太耐既事，唔記得當年佢地係有5位得獎佳麗呢?  而最上鏡小姐鄧上文亦長期企係佢隔離，國際親善小姐許佩琪就企係季軍林莉隔離，咁點解今年最上鏡小姐唔係企亞軍隔離既?

其實照常理睇，都應該係俾冠亞軍儘量企中間位置啦，唔理佢企左定企右。不過其實都係最好有3個或5個得獎佳麗，冠軍永遠係中間，唔洗拗。

有圖為證架!

港乜姐上FACE